İlin əvvəlindən Bakı metrosu ilə 52 mln. nəfərdən çox sərnişin daşınıb

Bu ilin birinci rübündə Bakı metrosu ilə daşınan sərnişinlərin sayı ötən ilin müvafiq dövrünə nisbətən azalıb. Dövlət Statistika Komitəsindən "APA-Economics"ə verilən məlumata görə, metro nəqliyyatının xidmətlərindən istifadə etmiş sərnişinlərin sayı 52,2 mln. nəfər olub. Bu göstərici ötən il ilə müqayisədə 3,4% azdır. Onu da qeyd edək ki, ümumilikdə bu il nəqliyyat sektorunda daşınan sərnişinlərin 11,9%-i metronun payına düşür.