Gündəm

İsmayıl Şıxlının 100 illik yubiley tədbirləri keçirilib

26 Sentyabr 2019 12:12

Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrində İsmayıl Şıxlının 100 illik yubileyi ilə əlaqədar silsilə tədbirlər keçirilib. “OLAYLAR” xəbər verir ki, təhsil müəssisələrində azərbaycanlı nasir, ədəbiyyatşünas, yazıçı, publisist İsmayıl Şıxlının həyat və yaradıcılığına həsr olunmuş mühazirə, disput, “Dəyirmi masa”, seminar və ədəbi-bədii gecələr təşkil edilib. Eləcə də təhsil müəssisələrində yazıçıya həsr olunan fotostendlər, bülletenlər hazırlanıb, guşələr yaradılıb, şagirdlərin əl işlərindən ibarət sərgilər təşkil olunub. Məktəb kitabxanalarında İsmayıl Şıxlının əsərləri əsasında müzakirələr aparılıb.

Heydər Əliyev Mərkəzində Xalq rəssamı Fərhad Xəlilovun fərdi sərgisi açılıb

26 Sentyabr 2019 12:09

Heydər Əliyev Mərkəzində Xalq rəssamı Fərhad Xəlilovun “Yenidən Bakıda” adlı fərdi sərgisi açılıb. Olaylar.az bildirir ki, açılış mərasimindən əvvəl Xalq rəssamı Fərhad Xəlilov çıxış edərək sərgisinin belə bir möhtəşəm mərkəzdə nümayişinə görə Heydər Əliyev Fonduna təşəkkürünü bildirib. Vurğulayıb ki, bu sərgi onun Bakıda ikinci fərdi sərgisidir. İlk sərgisi on il bundan əvvəl təşkil edilib: “Rusiyada 11 fərdi sərgim açılıb. Bu möhtəşəm mərkəzdə sərgi təşkil etmək böyük məsuliyyət tələb edir. Çünki bura dünyada olan ən böyük, müasir mədəniyyət mərkəzlərindən biridir. Buna görə çox şadam. Sərgidə uşaqlıq, gənclik və müasir dövrdə çəkdiyim əsərlər təqdim edilib. Burada Xocalı faciəsinə həsr etdiyim əsərim də nümayiş olunur. Uzun müddətdir bu mövzu üzərində çalışırdım. Burada istəmişəm ermənilərin vəhşiliklərini dünyaya çatdırım. İnanıram ki, sərgi ziyarətçilər tərəfindən böyük maraqla qarşılanacaq”.

Operativ yaddaş tutumu məhdud smartfonlar üçün “Android 10” sistemi təqdim olunub

26 Sentyabr 2019 12:08

“Google” şirkəti operativ yaddaş tutumu 1,5 giqabayt təşkil edən ilkin səviyyəli smartfonlar üçün “Android 10” (Go Edition) əməliyyat sistemini təqdim edib. Şirkət nümayəndələrinin sözlərinə görə, proqramların işə salınması zamanı “Android” sisteminin yeni “Go” versiyasının sürəti ötənilki versiya ilə müqayisədə 10 faiz artırılıb. Daha bir yenilik məhdud sistem resurslarına malik ucuz qurğulara məhsuldarlığa ziyan vurmadan məlumatları şifrləməyə imkan verən “Adiantum” texnologiyasından istifadədən ibarətdir.