Gündəm
Kamal Abdulla Çexiya səfiri ilə görüşüb
Azərbaycan Dillər Universitetinin (ADU) rektoru akademik Kamal Abdulla Çexiya Respublikasının Azərbaycandakı fövqəladə və səlahiyyətli səfiri Milan Ekert ilə görüşüb. Olaylar.az bildirir ki, qonağı universitetdə görməkdən məmnun olduğunu bildirən akademik Kamal Abdulla ona universitet haqqında məlumat verib. Çexiyanın qədim tarixə sahib ölkə olduğunu deyən K.Abdulla ölkələrarası əlaqələrin daha da möhkəmlənəcəyinə əminliyini bildirib, hər iki ölkənin ali təhsil müəssisələrinin bu münasibətlərin inkişafına yeni töhfələr verə biləcəyini vurğulayıb. Rektorun sözlərinə görə, ADU-da Çex dili və Mədəniyyəti Mərkəzinin də açılması nəzərdə tutulur. Rektor ümid etdiyini bildirib ki, Çexiya universitetlərindən birində Azərbaycan dili və Mədəniyyəti Mərkəzi açılacaq.
Vüqar Rəhimzadə: Qanunları pozub dövlətə xəyanət yolunu tutanlara ən ağır cəza düşür
“İnsanlar müxtəlif siyasi baxışlara, fərqli düşüncələrə sahib ola bilərlər. Lakin xalqın, dövlətin maraqlarından söhbət düşəndə bütün mövqelər birləşməli, dövlət və xalqın mənafeyi hər şeydən üstün tutulmalıdır. Əgər bir insan bu ali keyfiyyətlərdən məhrumdursa və dövlətə xəyanət yolunu tutubsa o, ən ağır cəzaya məhkumdur. Bu günlərdə Cinayət Məcəlləsinin 281.2 (Dövlət əleyhinə yönələn açıq çağırışlar) və 283.1-ci (Milli, irqi nifrət və düşmənçiliyin salınması, milli ləyaqətin alçaldılması) maddələrində nəzərdə tutulan cinayət əməllərini törətməkdə şübhəli bilinərək, bu əməllərə görə təqsirləndirilən şəxs kimi məsuliyyətə cəlb edilən Fəxrəddin Abbasov da belələrindəndir.
Gənc muğam ifaçıları “Muğamat var olan yerdə” layihəsində
Beynəlxalq Muğam Mərkəzinin və Azərbaycan Televiziyası “Mədəniyyət” kanalının “Muğamat var olan yerdə” birgə layihəsi çərçivəsində növbəti konsert keçirilib. Olaylar.az bildirir ki, layihə çərçivəsində Televiziya Muğam Müsabiqələrinin qalibləri Səbinə Ərəbli, Almaxanım Əhmədli və Pərviz Qasımov öz proqramları ilə çıxış ediblər.
Uşaq Filarmoniyası Xalq Çalğı Alətləri orkestri ilə birgə çıxış edib
Müslüm Maqomayev adına Azərbaycan Dövlət Filarmoniyasında Azərbaycan Respublikasının Xalq Artisti Ağaverdi Paşayevin rəhbərliyi ilə Dövlət Uşaq Filarmoniyasının Uşaq-Gənclər Xalq Çalğı Alətləri orkestri konsert proqramı ilə çıxış edib. Olaylar.az bildirir ki, proqramda Azərbaycan bəstəkarlarının Xalq Çalğı Alətləri Orkestri üçün yazdığı əsərlər yer alıb. Orkesrt və solistlərin ifasında Azərbaycan bəstəkarlarının həm solo, həm instrumental, həm də vokal-instrumental əsərləri konsertə rəngarənglik qatdı. Proqram Azərbaycan musiqisinin qurucusu, dahi Üzeyir bəyin “Koroğlu” operasından olan Cəngi ilə açılıb.
Sumqayıtlı bahar qızların əsərləri Sənət Mərkəzində
Mart ayının 9-da Azərbaycan Respublikası Təhsil Nazirliyi, Azərbaycan Rəssamlar Ittifaqı, Sumqayıt Şəhər İcra Hakimiyyətinin dəstəyi, Sumqayıt Şəhər 1 nömrəli Uşaq-Gənclər İnkişaf Mərkəzi və Xətai Sənət Mərkəzinin təşkilatçılığı ilə Sumqayıt Şəhər 1 nömrəli Uşaq-Gənclər İnkişaf Mərkəzinin uşaqları ilə “Nəsimi ili” çərçivəsində ruzi bərəkət bayramımız olan Novruzu yaşamaq və yaşatmaq məqsədi ilə “Sumqayıtlı bahar qızları Bakıda” adlı sərgi-tədbir keçiriləcək.
Dağa çıxmaq istəyən alpinistlər itkin düşdü
Himalay dağına dırmanmaq istəyən alpinistlər Daniele Nardin və Tom Ballard itkin düşüblər.Hündürlüyünə görə dünyanın 9-cu ən böyük zirvəsinə qalxmağa çalışan idmançılarla sonuncu dəfə bir həftə əvvəl əlaqə yaratmaq mümkün olub. Əlverişsiz hava şəraitinə baxmayaraq, alpinistlərin axtarışı davam etdirilir.
Fiziki məhdudiyyətli şəxslər Tarix Muzeyini ziyarət edəcəklər
Azərbaycan Milli Elmlər Akademiyasının Milli Azərbaycan Tarixi Muzeyində Sumqayıt şəhərindəki “Əlilliyi olan şəxslərin sosial müdafiəsinə və inteqrasiyasına dəstək” İctimai Birliyinin bir qrup üzvü üçün ekskursiya təşkil olunub.
Gülnarə Kərimova həbs olundu
Özbəkistanın ilk prezidenti İslam Kərimovun qızı Gülnarə Kərimova həbs olunub. G.Kərimova Daşkənddə ümumi rejimli cəzaçəkmə müəssisəsinə yerləşdirilib. Onun barəsində seçilmiş ev dustaqlığı cəzası həbslə əvəzlənib.
8 mart- Beynəlxalq Qadınlar Gününə həsr edilmiş sərgi - “Art Tover” rəsm qalereyasında
“Art Tover” rəsm qalereyasında “HEART” layihəsi çərçivəsində 8 mart- Beynəlxalq Qadınlar Gününə həsr edilmiş sərgi açılıb. Olaylar.az bildirir ki, sərgi “İçərişəhər” Dövlət Tarix-Memarlıq Qoruğu İdarəsi və “Arts Council Azerbaijan” qeyri-hökumət təşkilatının birgə təşəbbüsü reallaşıb.
Lalə Məmmədova sosial şəbəkə hesabından prezidentə müraciət etdi - Kimlərin cibinə və harasa gedən bu pullar...
"Əziz prezidentim, görkəmli incəsənət xadimlərimizlə sonuncu görüşünüz, yaşanan problemlər və onların aradan qaldırılması yolunda gördüyünüz işlər ürəkaçan və təqdirəlayiqdir. Ümid edirəm ki, gələn görüşdə mənə də imkan yaranar, mən də milli estrada sahəsi və bu sahədə fəaliyyət göstərən müğənnilərin yaşadıqları problemlər barədə sizə danışaram. Təəssüf ki, biz sənətçilər etdiyimiz çıxışlara və iştirak etdiyimiz konsertlərə görə, heç bir qonorar almırıq (solisti olduğum AzTV istisna olmaqla). İstər televiziya, istər radio, istər Bakı, istərsə də, rayonlarda açıq hava və ya qapalı konsertlərdən…".
Dünya Çempionatı II tur: Azərbaycan İngiltərə ilə üz-üzə gəlir
Qazaxıstanın paytaxtı Astanada təşkil edilən şahmat üzrə komandalararası dünya çempionatı davam edir. Ölkəmizi turnirdə təmsil edən yığıma komanda II turda İngiltərə millisi ilə üz-üzə gələcək. Görüş Bakı vaxtı ilə saat 13:00-da başlanacaq. II turda həm də İsveç - Qazaxıstan, ABŞ - Çin, Rusiya - Misir və Hindistan - İran qarşılaşmaları keçiriləcək.
Prorektor tələbələrlə görüşdü
Azərbaycan Dillər Universitetində (ADU) universitetin Tədris işləri üzrə prorektoru professor Əfqan Abdullayev tələbələrlə görüşüb. Olaylar.az bildirir ki, “Ali təhsil bu gün: ABŞ təhsili fonunda” adlı görüşdə professor doğulduğu Yevlax rayonundan ABŞ-ın Harvard Universitetinə kimi uzanan uğur yolundan bəhs edib. Ə.Abdullayev təhsil aldığı müəssisələr, iştirak etdiyi beynəlxalq layihələr, üzv olduğu yerli və beynəlxalq qurumlar haqqında danışıb. O, həmçinin qazandığı qrantlar və mükafatlardan da söz açıb. Ə.Abdullayev qazandığı uğurlardan, bu uğura gedən yolda qarşılaşdığı çətinliklərdən də bəhs edib, xaricdə yaşadığı təcrübələri tələbələrlə bölüşüb.
Mark Zukerberqin ünvanını əlindən aldı - 21 yaşında dünyanın ən gənc... - FOTO
Amerikada fəaliyyət göstərən kosmetika firmasının sahibi, 21 yaşlı model Kayli Cenner “dünyanın ən gənc milyarderi” ünvanının sahibi olub. Bu barədə “Forbes” jurnalı informasiya yayıb.