Dünya
Məşhur yazıçı vəfat etdi
Anjelika haqqında tarixi romanlar seriyasının müəllifi, fransız yazıçı Ann Qolan dünyasını dəyişdi. Məşhur yazıçının 95 yaşı vardı. Yazıçının ölümü haqqında qızı mətbuata açıqlama verib. Anjelika haqqında seriya romanı Qolan əri ilə bir yerdə yazıb. Bu seriya roman 13 kitabdan ibarətdir. 1950-ci illərdə çap olunan kitab bir anda bütün Avropada populyarlaşdı. 1960-cı və eləcə də 2013-cü illərdə kitab ekranlaşdırılıb.
Dostoyevskidən film çəkəcək
Rejissor Əmir Kusturitsa Dostoyevskinin əsərləri əsasında film çəkəcək. Məşhur rejissor filmi Çində çəkməyi düşünür. “Mən Çin firması ilə müqavilə bağladım. Bu filmdə insanın mənəvi qarışdurmasından bəhs olunacaq. Hansı ki, bu dilemma Dostoyevski yaradıcılığına xasdır. Başqa bir aspektdən, çin cəmiyyətinin gözü ilə Dostoyevski yaradıcılığı təqdim olunacaq. Rus klassikasının mövqeyini müasir dövrə yaxınlaşdırmaq filmin ideyasını təşkil edir”.
Futbol zamanı dəhşət: 8 ölü, 49 yaral
Seneqalda futbol çempionatı zamanı dəhşətli hadisə baş verib. Paytaxt Dakarda azarkeşlərin yaratdığı sıxlıq nəticəsində meydançanın qoruyucu divarı uçub. Hadisə nəticəsində 8 nəfərin öldüyü, 49 nəfərin yaralandığı bildirilir.
Parkı yandı
Dərbənddə baxımsız qalmış Nizami Gəncəvi parkının ərazisində yanğın baş verib. Alov yanğınsöndürənlərin səyi nəticəsində söndürülüb. Yanğının səbəbləri və hadisənin təfərrüatları dəqiqləşdirilir. Məlumata görə, yanğın vaxtilə əhəmiyyətli mədəni istirahət yerinin tənəzzül tarixinin davamı ola bilərdi. Tarixi-mədəni əhəmiyyətə malik park illərlə abadlaşdırılmır, ona görə də, burada təsadüfi yanğın ehtimalı maksimuma qədər artıb. Agentlik dəfələrlə hakimiyyət, hüquq-mühafizə orqanları və ictimaiyyətin diqqətini Nizami parkı ətrafında yaranan vəziyyətə yönəldib. Məlum olduğu kimi bu ərazidə tikinti işləri yekunlaşıb.
Türkiyədə 6 nəfər yaralandı
Türkiyənin paytaxtı Ankara şəhərində 2016-cı ilin 15 iyul tarixində baş verən dövlət çevrilişinə cəhd hadisəsinin ildönümü münasibətilə yüzminlərlə insan mitinq keçirib. Dinc mitinq zamanı 6 nəfər xəsarət alıb. Buna uçuş aparatının (dron) çəkiliş zamanı mitinq iştirakçılarının üzərinə düşməsi səbəb olub. Yaralanan 6 nəfərə ilkin tibbi yardım göstərilib.
900 maşın yandırlıdı
Bastiliyanın alınması günü Fransada 900 maşın yandırılıb, 40 nəfərə yaxın insan saxlanılıb. Ölkənin milli bayramı kütləvi həbslə yadda qalıb. Fransanın Daxili İşlər Nazirliyinin açıqlamasına görə, iyulun 13-14-də 897 avtomobil yandırılıb. Polis aranı sakitləşdirmək üçün 368 nəfəri həbs edib.
Tehran metrosunda SİLAHLI İNSİDENT
Bəzi mənbələr Tehran metrosunda yaralananların sayının 15 nəfərə yaxın olduğunu yazıb. Hadisə zamanı yaralananlardan biri din xadimidir. İddialara görə, hadisəni törədən tək olmayıb. İran məhkəmə sisteminin rəsmi orqanı olan “Mizan” xəbər agentliyi hadisə ilə bağlı bir neçə nəfərin saxlandığı barədə məlumat dərc edib. Metro stansiya bir neçə dəqiqə bundan əvvəl iş rejimini bərpa edib. ***
Rza Zərrabdan XƏBƏR VAR
Bank saxtakarlığı, rüşvət və korrupsiya qalmaqalı çərçivəsində həbs olunan biznesmen, Nyu-Yorkda məhbus olaraq mühakimə olunan İran əsilli iş adamı Rza Zərrab məsələsində sürpriz baş verdi. Zarrabın Nyu-Yorkun Manhetten səmtində qaldığı “Metropolitan” həbsxanasında 3 həftə ərzində təcrid otağına qoyulduğu, daha sonra isə çıxarılıb başqa bir həbsxanaya aparılacağı öyrənildi. Zarrabın vəkili Bencamin Brafman, işə baxan hakim Riçard Bermana yazdığı ərizədə, müvəkkilinin heç bir əsas göstərilmədən həbsxanada 21 gün ərzində bir təcrid otağına salınmasını, sonra da yenə əsassız olaraq Bruklindəki “Metropolitan Detention Center”ə aparıldığını ifadə etdi.
Çoxmərtəbəli binada güclü yanğın
Havay adalarının paytaxtı Honoluludakı çoxmərtəbəli yaşayış binalarından birində baş vermiş yanğın zamanı azı 3 nəfər ölüb. Məlumata əsasən iki nəfər dəm qazından zəhərlənmə ilə xəstəxanaya çatdırılıb. Hadisə yerinə həkimlər cəlb edilib. Yanğınsöndürmə xidmətinin rəisi Devid Cenkins alovun söndürülməsinə azı 100 yanğınsöndürən cəlb edildiyini qeyd edib. Yerli vaxtla saat 14:15-də başlamış alovun söndürülməsi 3 saat ərzində mümkün olmayıb.
Türklərə hücum
İngiltərənin paytaxtı Londonda PKK terror təşkilatının üzvləri sivil vətəndaşlara hücum edib. Hücum 15 iyul hərbi çevrilişinin ildönümünü qeyd etmək məqsədilə London səfirliyində toplaşmaq istəyən türk vətəndaşlarına qarşı təşkil edilib. Terrorçular hadisə yerinə gələn polis əməkadaşlarına da hücum edib.
Süni intellektlə idarə olunan mobil klinika təqdim olunub
Yüksək texnologiyalar həyatımızı daha asan, daha yaxşı və daha təhlükəsiz etmək üçün nəzərdə tutulub. Tibb sahəsindəki həllər, həmçinin bu amala xidmət edir. Məsələn, “Artefact Group” şirkəti bu yaxınlarda yaxın gələcəyin tibbi texnologiyaları ilə bağlı kifayət qədər maraqlı yenilik nümayiş etdirib: süni intellektin idarəsi altında işləyən özünü idarə edən mobil klinika. Mobil klinika yalnız sağlamlıq vəziyyətinin diaqnostikası üçün innovativ datçik və sensorları deyil, həm də sürücüsüz hərəkət edən avtomobillərin əsasını təşkil edən qabaqcıl texnologiyanı özündə birləşdirir.
Ən çox qazanan müğənillər - SİYAHI
2016-cı ilin ən çox qazanan müğənniləri açıqlanıb. "Billboard" jurnalı dünyanın ən çox qazanan musiqiçilərinin siyahısını təqdim edib. Siyahının ilk yerini Beyons tutur. Onun qazancı 62, 1 milyon dollar civarındadır. 42, 3 milyon dollarla ikinci yerə Guns N' Roses sahibdir. Bryus Sprinqsin 42, 2 milyon dollarla üçüncü olub. Siyahıda Dreyk, Adel, Koldplay, Castin Biber, Lyuk Brayan, Kanye Uest, Kenni Çesni kimi məşhur müğənnilər də yer alıb.
İlin ən yaxşı serial, aktyor və aktrisaları - "Emmi 2017"in siyahısı
Amerika Televiziya Akademiyası "Emmi 2017" mükafatlarına namizədlərin adlarını açıqlayıb. Siyahıdan bəzilərini təqdim edir. Mükafatlar sentyabrın 17-də sahiblərini tapacaq.
Ərdoğan: “Fövqəladə vəziyyət rejiminin uzadılacağına inanıram”
"Qarşıdan gələn bazar günü Milli Təhlükəsizlik Şurasının iclası var, fövqəladə vəziyyət rejimi ilə bağlı müzakirə aparılacaq". Bunu Türkiyə prezidenti Rəcəb Tayyib Ərdoğan Türkiyədə 15 iyul hərbi çevriliş cəhdinin ildönümü ilə bağlı Ankara Ticarət Dərnəyində təşkil edilən "15 iyul" panelində çıxışında bildirib.
Gündə 3 dəqiqə qaçmaqla ayda 4 kiloqram arıqlaya bilərsiniz!
Tədqiqat gündə cəmi 3 dəqiqə qaçmaqla istənilən çəkini atmağın mümkünlüyünü sübut edib. Professor Ceyms Timmonsun açıqladığına görə, qaçan zaman orqanizmdəki kalorinin dərhal azalması ilə yanaşı, maddələr mübadiləsi sürətlənir. Bu da öz növbəsində arıqlamaq üçün çox vacibdir. Alimlər bildirir ki, gündə 3 dəqiqə qaçmaq ay ərzində 4 kiloqram çəki atmağa kömək edir. Bu, ürək-damar problemlərinin yaranması riskini də azaldır.














