Dünya
Partlayışda yaralanan deputat əməliyyat olundu
Kiyevdə baş verən partlayışda yaralanan Ali Radanın deputatı, "Radikal" partiyasının üzvü İqor Moseyçuk əməliyyat olunub. Bu barədə İ.Moseyçukun mətbuat katibi bildirib. "Əməliyyat uğurla başa çatıb. Həkimlər İ.Moseyçukun vəziyyətini orta-ağır kimi qiymətləndirirlər. Hazırda o reanimasiyadadır. İ.Moseyçuk əməliyyatdan sonra özünə gəlib, danışa bilir", məlumatda deyilir.
Rusiyada polisə hücum: ölən və yaralananlar var
Rusiyanın Yesentuki şəhərində silahlı insident baş verib. Naməlum şəxslər onların sənədlərini yoxlamaq istəyən polis əməkdaşlarına atəş açıb. Nəticədə 2 qanun keşikçisi yaralanıb.
ABŞ və Şimali Koreya arasında vəziyyət yenidən gərginləşdi
ABŞ və Şimali Koreya arasında vəziyyət yenidən gərginləşib. Yaponiya mətbuatının yaydığı məlumata görə, oktyabrın sonunda ABŞ nümayəndə heyəti ilə nəzərdə tutulan görüş son anda ləğv edilib. Rəsmi Pxenyan Norveçin paytaxtı Osloda baş tutacaq görüşü ləğv edib. İlkin ehtimala görə, səbəb ABŞ-ın Koreya yarımadasında keçirdiyi hərbi təlimlər olub.
Ovucun ortasındakı “X” işarəsinin mənası nədir? - İNANILMAZ FAKT
Məlum olduğu kimi, ovucun içindəki xətlərə baxıb insanın gələcəyini oxumaq olar. Rusiyanın STI Universiteti ovucun içinin oxunması ilə bağlı yeni araşdırma aparıb. Araşdırmada bəzi insanların əllərinə baxılaraq onların həyatı və gələcəyi haqqında məlumatlar əldə ediblər.
Arktikada elmə məlum olmayan təkgöz canlı aşkar edildi
Kanada alimləri Viktoriya adası sularında daha əvvəl elmə naməlum olan buğumayaqlılar fəsiləsinə aid canlı aşkar ediblər. Bu haqda “National Geographic” saytında məlumat yerləşdirilib. Tədqiqatçıların sözlərinə görə, naməlum varlıq planktona aiddir, iki millimetr uzunluğundadır, səkkiz ayaq və bir gözə malikdir. Ağızın yoxluğu və iki bığın mövcudluğu da həmçinin qeyd edilir.
22 müqavilə imzalandı
Ankarada Türkiyə prezidenti Rəcəb Tayyib Ərdoğan və Özbəkistan prezidenti Şavkat Mirziyoyev aralarında görüş keçirilib. Ölkələr arasında prezidentlər səviyyəsində görüş 20 illik fasilədən sonra baş tutub. "Prezidentlər səviyyəsində görüş 20 illik fasilədən sonra baş tutdu, buna görə də bizim üçün çox böyük əhəmiyyət kəsb edir. Biz Mirziyoyevlə təkbətək görüş keçirdik, daha sonra heyətlərlə danışıqlar apardıq. Görüşlər çox məhsuldar oldu", - deyə Ərdoğan bildirib.
Rusiya “Yeni Nobel mükafatı” verəcək
Rusiyanın Tambov şəhərində Nobel laureatı konqresində Birinci dərəcəli Nobel nəslinin yetirmələri özlərinin şəxsi mükafatlarını yaratmaq istədiklərini açıqlayıblar. Mikayıl Nobel və Peter Nobel alternativ energetika sahəsində tədqiqatlar aparanları mükafatlandırmağa hazırlaşırlar. Beynəlxalq Nobel laureatları konqrensində 1200 nəfərə yaxın tədbir iştirakçısı olub. Tədbirdə “yeni Nobel” mükafatı haqqında sənədlər rəsmi formada bəyan olunmayıb.
Mərkəzdə partlayış
Ukraynanın paytaxtı Kiyevdə partlayış baş verib. Kiyevin mərkəzində yerləşən Espresso telekanalının çıxışında baş verən partlayışda bir nəfər ölüb, 3 nəfər yaralanıb. Bu barədə Ukrayna DİN rəhbərinin məsləhətçisi Anton Qeraşenko məlumat verib.
Avropa çempionu həbs olundu
5000 metr məsafəyə qaçış üzrə 2016-cı il Avropa çempionatının ispaniyalı qalibi İlias Fifa həbs olunub. Səbəb Mərakeş əsilli atletin dopinq maxinasiyalarında iştirakıdır. Fifanı Kataloniya polisi dopinqlə mübarizə kampaniyası çərçivəsində Santa-Kolomadakı evində həbs edib. Antidopinq əməliyyatını keçirməkdə məqsəd qadağan olunmuş dərman və vasitələrin üzə çıxarılması olub. 28 yaşlı idmançıdan əlavə, daha 15 nəfər tutulub.
“Bad Rabbit” təhlükəsi ilə bağlı xəbərdarlıq
Müxtəlif ölkələrdə 200–dən çox dövlət qurumunun və özəl təşkilatların informasiya sistemlərinə zərbə vuran "Bad rabbit" adlandırılan ransomware virusu aşkar olunmuşdur. Qeyd edək ki, virus "Win32/Diskcoder.D" "Trojan-Ransom.Win32.Gen.f", "Win32/Tibbar", "Troj/Ransom-ERK" adları altında sistemlərə nüfuz edir.
Yeni alqoritm videodakı obyektləri avtomatik siləcək
“Adobe” şirkəti “Adobe MAX” illik konfransında təsvir və videoların emalı üçün bir sıra yeni funksiyalar təqdim edib. İstifadəçi yeni “Cloak” alətinin köməyi ilə videodakı obyekti seçə bilər, bundan sonra alqoritm onu fonla əvəz edərək avtomatik siləcək.