Arman Tatoyan: Artsax sənədlərindən çıxarılmalı 5 dərs – ÖZƏL

Olaylar.az xəbər verir ki, "Vahidlik Qanadları" siyasi təşəbbüsünün koordinatoru, Ermənistanın keçmiş İnsan Hüquqları Müdafiəçisi (Ombudsman) Arman Tatoyan Artsax (Dağlıq Qarabağ) münaqişəsi ilə bağlı sənədlərin dərc edilməsinə dair fikirlərini özünün Facebook səhifəsində paylaşıb.

Tatoyan vurğulayıb ki, bu sənədlərin ictimailəşdirilməsi xalqa deyil, yalnız keçmiş və indiki hakimiyyətlərə sərfəlidir.

O, qeyd edib: "Biz nə öyrəndik? Heç nə. Əksinə, keçmiş və indiki hakimiyyət (Paşinyan) indi kimin daha çox və ya az günahkar olduğunu müzakirə edə bilər. Aydındır ki, Nikol Paşinyan qətiyyətlidir və öz gündəliyi ilə hamımızın diqqətini yayındırmağa davam edəcək, özünün və keçmiş hakimiyyətlərin uğursuzluqlarını gündəmə gətirəcək ki, heç kim gələcəkdən danışmasın."

Arman Tatoyanın sözlərinə görə, bütün bu vəziyyətdən beş əsas dərs çıxarılmalıdır:
1. Hərbi cəhətdən zəif olmamaq.
2. Təklənməmək (təcrid olunmamaq).
3. Müharibəyə hazırlıqsız olmamaq.
4. Heç vaxt kasıb olmamaq.
5. "Ermənistan Qalası"na sahib olmaq ki, ölkəmizə hücum planlaşdıran istənilən təcavüzkar bunun onlara qəbuledilməz dərəcədə baha başa gələcəyini bilsin.(?)