Fransanın özəl hərbi şirkətləri Ukraynada qanuni hədəf sayılacaq – ÖZƏL

Olaylar.az xəbər verir ki, Rusiya Xarici Kəşfiyyat Xidmətinin (SVR) Mətbuat Bürosu bildirib ki, Fransa Ukrayna münaqişəsinə daha birbaşa cəlb olunma variantlarını öyrənməyə davam edir.

SVR-nin məlumatına görə, belə addımlardan biri Parisin "silahlı qarşıdurma vəziyyətində olan üçüncü ölkəyə" yardım üçün özəl hərbi şirkətlərin (ÖHŞ) istifadəsinə icazə verən hökumət dekreti olub.

Rusiya kəşfiyyatı qeyd edib ki, bu sənəd faktiki olaraq Fransız ÖHŞ-lərinin Ukraynaya göndərilməsi imkanını açır. Həmin strukturlar fərmanda Fransa Müdafiə Nazirliyinin "istinad operatorları" kimi göstərilsə də, onların münaqişə zonasında görünməsi Moskva tərəfindən Fransanın döyüş əməliyyatlarında birbaşa iştirakı kimi qiymətləndiriləcək.

SVR-nin məlumatında vurğulanır: "Ukraynada Fransız ÖHŞ-lərinin mövcudluğu Fransanın münaqişədə birbaşa iştirakı kimi nəzərdən keçiriləcək. Nəticə etibarilə, Fransız özəl hərbi şirkətləri Rusiya Silahlı Qüvvələrinin birincil qanuni hədəfi olacaqlar."