Yaponiya ilə ABŞ qızıl müttəfiqlik müqaviləsi imzalayıb

Yaponiyanın Baş naziri Sanae Takaiçi və ABŞ Prezidenti Donald Tramp iki ölkə arasında "yeni qızıl müttəfiqlik dövrü" haqqında müqavilələr, eləcə də vacib minerallar sahəsində əməkdaşlıq haqqında memorandum imzalayıblar.

Olaylar.az xəbər verir ki, imzalanma mərasimi Yaponiyanın ictimai televiziyasında canlı yayımlanıb.

Takaiçi və Tramp 28 oktyabrda Tokioda danışıqlar aparıblar.

Takaiçi üçün bu, onun 21 oktyabrda vəzifəyə başlamasından bəri Ağ Evin hazırkı prezidenti ilə ilk danışıqları idi. Donald Tramp üçün bu, onun ikinci müddətində Yaponiyaya ilk səfəri idi. ABŞ Prezidenti Yaponiyaya dörd dəfə, sonuncu dəfə 2019-cu ildə səfər edib.

Tramp Takaiçi ilə görüşün əvvəlində bildirib ki, Vaşinqton Tokiodan böyük silah sifarişi alıb: "Bilirəm ki, siz hərbi imkanlarınızı əhəmiyyətli dərəcədə genişləndirirsiniz; biz çoxlu sayda hərbi texnika üçün sifarişinizi almışıq. Və bilirsiniz ki, biz dünyanın ən yaxşı hərbi texnikasını - təyyarələri, raketləri və hər şeyi istehsal edirik. Ümid edirəm ki, bundan çox və ya ümumiyyətlə istifadə etməli olmayacağıq. Amma biz bu qaydaya və ticarətə dəyər veririk. Bizim ticarətimiz əvvəlkindən daha çox olacaq. Yeni bir müqavilə imzalayırıq və bu, çox ədalətli bir müqavilədir".

Trampın Yaponiya səfərindən az sonra Tokionun onu Nobel sülh mükafatına təqdim edəcəyinə dair məlumat yayılıb. 

(Musavat.com)