ABŞ-a məxsus helikopter və qırıcı qəzaya uğradı

ABŞ Hərbi Dəniz Qüvvələrinə məxsus "MH-60R Sea Hawk" tipli helikopter və F-18 qırıcısı Cənubi Çin dənizində baş verən iki ayrı insident nəticəsində qəzaya uğrayıb.

Olaylar.az xəbər verir ki, bu barədə ABŞ Sakit Okean Donanması məlumat yayıb.

Qeyd olunub ki, hər iki hava nəqliyyatı planlı əməliyyatlar zamanı qəzaya düşüb.

Məlumata görə, qəza nəticəsində həlak olanlar yoxdur.

Hazırda hadisələrin səbəbləri araşdırılır.