ŞOK İDDİA: İran Norveçdə uşaqları yəhudilərə qarşı terror üçün cəlb edib

"Ynet" portalı Norveçdəki mənbələrə istinadən xəbər verir ki, ölkədə fəaliyyət göstərən radikal islamçı qruplar yəhudilərə qarşı terror aktı törətmək məqsədilə uşaqları cəlb ediblər. Planlaşdırılan sui-qəsdin qarşısı Norveç Polisinin Təhlükəsizlik Xidməti tərəfindən alınıb.

Musavat.com xəbər verir ki, hücum planı bir neçə ay əvvəl üzə çıxsa da, səlahiyyətlilər onun dəqiq yeri və xarakteri barədə məlumat verməyiblər. Ehtimallara görə, hədəflər Osloda yerləşən yəhudi və İsrail obyektləri olub.

Xəbərdə bildirilir ki, sui-qəsdin təşkilatçıları Norveç vətəndaşları deyil və onların xarici dövlət və ya təşkilatla əlaqəsi olduğu düşünülür. Mənbələr iddia edirlər ki, əməliyyatın arxasında İran dayanır.

Polisin rəyinə görə, Norveç gəncləri arasında radikallaşmanın artması 2023-cü il oktyabrın 7-də baş vermiş İsrail-HƏMAS münaqişəsi ilə birbaşa bağlıdır.