Yaponiyanın yeni baş naziri Trampın “America First” siyasəti ilə yaxınlığı ilə diqqət çəkir - ÖZƏL

Olaylar.az xəbər verir ki,  ABŞ-ın nüfuzlu qəzeti The Washington Post (WP) yazır ki, Yaponiyanın yeni baş naziri Sanae Takaichi-nin siyasi baxışları ABŞ Prezidenti Donald Trampın "America First" ("Amerika əvvəlcə") prinsipi ilə rezonans doğura bilər. Qəzetin redaksiya məqaləsində bildirilir ki, Yaponiyanın ilk qadın lideri olan Takaichi siyasətçi kimi tanınır və "Yaponiya əvvəlcə" prinsipinə sadiqdir. Onun milli təhlükəsizlik siyasətinə yanaşması Tramp tərəfindən yüksək qiymətləndirilə bilər. Takaichi ABŞ-Yaponiya təhlükəsizlik alyansına inandığını və ölkənin hərbi potensialını artırmaq niyyətində olduğunu açıqlayıb. WP yazır ki, bu baxışlar Trampın digər ölkələrin öz milli təhlükəsizliyini təmin etməkdə daha fəal rol oynaması ilə bağlı yanaşması ilə üst-üstə düşür.
Qəzet həmçinin qeyd edir ki, iki liderin bu həftənin sonunda keçiriləcək rəsmi görüşündə şəxsi müzakirələr zamanı yaxın mövqelərinin diqqət çəkəcəyi gözlənilir. Takaichi Yaponiyada populyar olan antiimmiqrant əhval-ruhiyyəsindən istifadə edərək "Yaponiya əvvəlcə" şüarı altında milli maraqları və ölkə iqtisadiyyatını prioritetə çıxarmağa söz verib. WP-nin yazdığına görə, Takaichi və Tramp arasında ideoloji yaxınlıq və milli maraqlara önəm vermə yanaşması iki ölkə arasındakı əməkdaşlığın yeni mərhələyə qədəm qoyacağını göstərir.