Azərbaycanla gərginliyin qaldığı bir vaxtda Ermənistan Hindistanla yeni müdafiə sazişləri bağlamaq imkanını nəzərdən keçirir.

Olaylar.az xəbər verir ki, oktyabrın 18-də Qandinaqarda DEFEXPO 2022 çərçivəsində Ermənistanın müdafiə naziri Suren Papikyan və onun həmkarı Hindistanın müdafiə naziri Şri Racnat Sinqh arasında keçirilən ikitərəfli görüşdə əsas diqqət müdafiə sahəsində əməkdaşlığın dərinləşdirilməsinə yönəldilib. Görüş iki ölkə arasında Hindistandan "Pinaka" reaktiv yaylım atəş sistemlərinin, tank əleyhinə "Konkurs" raket komplekslərinin, 80 millimetrlik minaatanların, eləcə də digər silahların alınmasına dair hökumətlərarası saziş imzalanmasından cəmi bir neçə həftə sonra baş tutub.

Hindistan hökuməti mənbələri erməni nazirlə görüşdə baş verənlərlə bağlı susur, lakin iddia edirlər ki, "diqqət müdafiə sahəsində əməkdaşlıq olub". "Ermənistan Hindistanda "Tata Advanced Systems Limited" (TASL) və Solar Industries özəl şirkətləri tərəfindən hazırlanmış yerli "Akaş" zenit-raket kompleksləri və kamikadze PUA-ları (loitering sursatları) almaq imkanını nəzərdən keçirir", - məlumatda deyilir.

Xatırladaq ki, sentyabrda məlum olub ki, Ermənistan oktyabrda Hindistandan "Pinaka" çoxlüləli reaktiv yaylım atəşi sistemləri, raketlər, raketlər və sursatlar alacaq. Mətbuatın verdiyi məlumata görə, müqavilənin dəyəri 250 milyon dollardan çox qiymətləndirilir.

Milli.Az