"İndi bütün Avropanı bir sual maraqlandırır" - Rəcəb Tayyib Ərdoğan

Avropa ölkələri bu qış Rusiyadan qaz tədarükünə qoyulan məhdudiyyətlər səbəbindən ciddi çətinliklərlə üzləşəcək.

Olaylar.az trend-ə istinadən xəbər verir ki, bunu Türkiyə Prezidenti Rəcəb Tayyib Ərdoğan deyib.

"İndi bütün Avropanı bir sual maraqlandırır: "Bu qış necə keçəcək?", - deyə R.T.Ərdoğan bildirib.

Onun sözlərinə görə, Türkiyənin bu qış enerji resursları ilə bağlı problemi olmayacaq.

Rusiya-Ukrayna müharibəsindən danışan Türkiyə Prezidenti qeyd edib ki, Ankara hazırda münaqişənin sülh yolu ilə həlli istiqamətində səylərdə vasitəçilikdə aparıcı rol oynayır.