Argentinada polislə futbol azarkeşləri arasında toqquşma: Bir nəfər ölüb – VİDEO

Olaylar.az Oxu.az-a istinadən xəbər verir ki, "TyC Sports"-un məlumatına görə, futbol üzrə Argentina çempionatının "Ximnasiya və Esqrima" - "Boka Xuniors" oyununda azarkeşlərlə təhlükəsizlik qüvvələri arasında toqquşma olub.

İnsident bəzi azarkeşlərin biletlərinin olmasına baxmayaraq stadiona buraxılmamasından sonra başlayıb.

Nəticədə azarkeşlər stadionun əməkdaşlarına hücum edib və polis təhlükəsizliyi təmin etmək məqsədi ilə rezin güllə və gözyaşardıcı qazdan istifadə edib.

Qarşıdurma nəticəsində azarkeşlərdən biri həyatını itirib.

Olaylarla əlaqədar oyunun baş hakimi qarşılaşmanı doqquzuncu dəqiqədə saxlayaraq matçı təxirə salıb.