Rusiyada səfərbərlikdən yayınanlar belə cəzalandırılacaq

Olaylar.az xəbər verir ki, Rusiyada əsgərlikdən yayınanlar üçün cəzalar müəyyən edilib. Novosibirsk vilayətində hakimiyyət qismən səfərbərlik çərçivəsində ilk çağırışdan yayınanları axtarışa verib. Regionun hərbi komissarı Yevgeni Kudryavtsev "Sibkrai" portalı üçün axtarış prosedurunun qaydasını açıqlayıb. O bildirib ki, çağırışçı evdə yoxdursa, hərbi komissarlığın əməkdaşları onun qonşularını, qohumlarını dindirməyə başlayırlar. Çağırış vərəqəsi günün vaxtından və yerindən asılı olmayaraq çağırışçıya şəxsən təhvil verilməlidir. Əgər şəxs qaçıbsa, adı   Daxili İşlər Nazirliyinə göndərilir. Bundan sonra polis məntəqələrində qaçan şəxsin axtarışına başlanılır.