"Beynəlxalq ictimaiyyət Ukraynaya dəstəyini artırmalıdır" - Stoltenberq

NATO Rusiyanın Ukraynada keçirmək istədiyi referenduma münasibət bildirib.

Olaylar.az "qafqazinfo"-ya istinadən xəbər verir ki, təşkilatın Baş katibi Yens Stoltenberq bildirib ki, saxta seçkilərin heç bir legitimliyi yoxdur.

"Bu Putinin müharibəsinin daha da şiddətlənməsi deməkdir. Beynəlxalq ictimaiyyət beynəlxalq hüququn açıq formada pozulmasını qınamalı, Ukraynaya dəstəyini artırmalıdır", - deyə Stoltenberq bildirib.

NATO Baş katibi "seçkilərin" Rusiyanın Ukrayna müharibəsinə heç bir dəyişiklik etməyəcəyini əlavə edib.