Almaniyada terror hücumu hazırlayan yeniyetmə saxlanılıb

Almaniyanın Cinayət Polisi İdarəsinin xüsusi bölməsi Reyn-Mayn regionunda terror aktı törətməyi planlaşdıran 17 yaşlı yeniyetməni saxlayıb.

Polisin sentyabrın 1-də Florştadt şəhərində saxladığı yeniyetmə terror aktını partlayıcı maddədən istifadə etməklə törətməyi planlaşdırırmış.

Prokurorluğun məlumatında saxlanılan şəxsin Almaniya vətəndaşı olduğu qeyd edilib. O, sentyabrın 2-də Fridberqdə məhkəmə qarşısına çıxıb. Hakim onun həbsinə dair hökm çıxarıb. Buna şübhəlinin sorğuda terror aktı hazırladığını etiraf etməsi səbəb olub. 

"Report"