Melburn yaşayış üçün ən yararlı şəhərdir

Avstraliyanın Melburn şəhəri yaşayış üçün ən yararlı şəhər adına sahib çıxıb.

Avstraliyanın Melburn şəhəri yaşayış üçün ən yararlı şəhər adına sahib çıxıb.

"Report" "Qazeta.ru"ya istinadən xəbər verir ki, "Economist Intelligence Unit" təşkilatının apardığı araşdırmaların nəticələrində belə göstərilir.

Belə ki, təşkilatın ekspertləri bir sıra kateqoriyalar üzrə 140 yaşayış məntəqəsini qiymətləndirib. Xüsusilə səhiyyə, ekoloji şərait, təhsilin vəziyyəti kimi meyarlar nəzərə alınıb. Nəticədə ilk "onluq"dakı şəhərlərdən 6-nın Avstraliya və Kanadada yerləşdiyi məlum olub.

Sıralamada ikinci yerdə Vyana (Avstriya), üçüncü sırada isə Vankuver (Kanada) qərarlaşıb.

Yaşayış üçün ən yararlı şəhərlərin "Top-10"luğuna daxil edilən digər şəhərlər isə bunlardır: Toronto, Kalqari (hər ikisi Kanada), Adelaide, Pert (hər ikisi Avstraliya), Oklend (Yeni Zelandiya), Helsinki (Finlandiya) və Hamburq (Almaniya).

Təklifinizi, şikayətinizi bizə yazın. Sizi dinlərik. 055 634 88 31