Sosial

Qaradağ rayonu Sahil qəsəbəsinin seçiciləri ilə görüş keçirilib

9 Aprel 2018 15:07

Yeni Azərbaycan Partiyasının Qaradağ rayon təşkilatı aprelin 11-də keçiriləcək prezident seçkilərində YAP-ın namizədi cənab İlham Əliyevin təbliğat-təşviqat kampaniyası çərçivəsində növbəti görüşü rayonun Sahil qəsəbəsinin seçiciləri ilə keçirib.

Bakıda “Türk İslam Sənətləri Sərgisi” keçiriləcək

9 Aprel 2018 14:55

Aprelin 17-də Azərbaycan Dövlət Rəssamlıq Akademiyası Muzey-Sərgi Kompleksində Türkiyə Cümhuriyyəti Bursa Böyükşəhər Bələdiyyəsinin inventarında mövcud olan “Türk İslam Sənətləri Sərgisi” keçiriləcək. Bakıdakı Yunus Emre İnstitutunun  Təhsil və Mədəniyyət İşləri üzrə koordinatoru Nuranə Tağıyeva “OLAYLAR”-a bildirib ki, sərgi Mədəniyyət və Turizm Nazirliyi, Türk mədəniyyətinin Azərbaycanda ən böyük təmsilçilərindən biri hesab edilen Bakı Yunus Emre İnstitutu və Azərbaycan Dövlət Rəssamlıq Akademiyasının birgə təşəbbüsü ilə keçirilir..

Buzovnada yeni idman zalı istifadəyə verilib

9 Aprel 2018 14:55

Xəzər rayonu, Buzovna qəzəbəsində yeni idman zalının açılış mərasimi baş tutub. GİN-in mətbuat katibliyindən “OLAYLAR”-a bildirilib ki, mərasimdə gənclər və idman naziri Azad Rəhimov, Xəzər rayon icra hakimi  Gülağa İslamov, deputat Rauf Əliyev və digər rəsmilər iştirak ediblər.

Aygün Attarın “Erməniçilik müasir dövrün böyük problemi kimi” yeni bir elmi əsəri çap edilib

9 Aprel 2018 14:54

Türkiyədə yaşayan həmyerlimiz, ictimai-siyasi xadim, tanınmış tarixçi, Türkiyədə ilk dəfə “Xocalı soyqırımı” adlı dissertasiyaya elmi rəhbərlik etmiş, Türk dünyasının dəyərli ziyalısı Aygün Attarın “Erməniçilik müasir dövrün böyük problemi kimi” yeni bir elmi əsəri Bahali Kültür Yayınçılığı tərəfindən nəfis şəkildə çap edilib. 

Vanın erməni işğalından azad edilməsinin 100-cü ildönümü qeyd ediləcək

9 Aprel 2018 14:54

Vanın erməni işğalından azad edilməsinin 100-cü ildönümü ilə bağlı Azərbaycan və Türkiyənin vətəndaş cəmiyyəti institutlarının iştirakı ilə tədbir keçiriləcək. Bu barədə məlumatı “OLAYLAR”-a Türkiyədə fəaliyyət göstərən Beynəlxalq Əsassız Erməni İddialarına qarşı Mübarizə Dərnəyinin (ASİMDER) sədri Göksəl Gülbəy verib.

Yerli özünüidarəetmə orqanlarına kimlər seçilə bilməz?

9 Aprel 2018 14:46

Yerli özünü idarəetmə orqanı olan bələdiyyə sistemi qanunla müəyyən edilmiş qaydada ümumi, bərabər, birbaşa seçki hüquqları əsasında sərbəst, şəxsi və gizli səsvermə yolu ilə seçilmiş bələdiyyə üzvlərindən ibarət nümayəndəli kollegial orqandır. Bələdiyyələrin idarə edilməsi və mühüm məsələlərin həlli bələdiyyə məclisi tərəfindən qəbul edilmiş qərarlar vasitəsiylə təmin edilir. Bələdiyyə iclası bələdiyyə üzvlərinin yarıdan çoxunun iştirak etdiyi təqdirdə səlahiyyətlidir və bələdiyyə üzvləri 5 gün əvvəl iclas barədə məlumatlandırılır. 

Uşaq oyuncaqları, yoxsa xəstəlik mənbəyi?

9 Aprel 2018 14:43

Azərbaycan dünya bazarına inteqrasiya etdikdən bəri uşaq oyuncağı biznesi asan yolla “qaz vurub, qazan doldurmaq” istəyən işbazların əsl qazanc yerinə çevrilib. Baxmayaraq insanlar arasında xaricdən gətirilən uşaq oyuncaqlarının zərəri haqda dəfələrlə yazılıb, həyəcan təbili calınıb, müvafiq dövlət orqanlarına müraciət və xəbərdarlıqlar olunub.

Qusarda 10 otaqlı evdə yanğın baş verib

9 Aprel 2018 14:41

Qusar rayonunda vətəndaşa məxsus 10 otaqlı evdə yanğın baş verib. Fövqəladə Hallar Nazirliyindən “Olaylar"a verilən məlumata görə, rayonun Şirvanovka kəndində ümumi sahəsi 256 m² olan ikimərtəbəli 10 otaqlı evin bir otağının yanar konstruksiyaları və ev əşyaları 18 m² sahədə yanıb.Yüksək temperaturdan dəhlizin lambirdən ibarət tavanı 20 m² sahədə əriyib. Qeyd olunur ki, evin qalan hissəsi yanğından mühafizə olunub. Yanğın yanğın bölmələri tərəfindən söndürülüb.

“Azərpoçt”a yeni baş direktor təyin edilib

9 Aprel 2018 13:58

Nəqliyyat, Rabitə və Yüksək Texnologiyaları Nazirliyi yanında “Azərpoçt” MMC-yə yeni baş direktor təyin edilib.“Olaylar” xəbər verir ki, Emin Əfəndiyev aprel ayından yeni vəzifəsinin icrasına başlayıb. O, yeni vəzifəsində Sübhan Kazım oğlu Kazımovu əvəz edib. E.Əfəndiyev 2 oktyabr 1970-ci ildə Bakı şəhərində anadan olub, 1987-1992-ci illərdə Azərbaycan İnşaat Mühəndisləri İnstitutunun inşaat mühəndisi ixtisası üzrə mülki sənaye tikinti fakültəsində, 1994-1996-cı illərdə Bakı Ali Menecer Kollecində bankir-mühasib ixtisası üzrə təhsil alıb.

XI-XII əsrə maddi-mədəniyyət nümunələri aşkarlandı – Azərbaycanda

9 Aprel 2018 13:55

Cənubi Qafqaz Boru Kəmərinin Genişləndirilməsi layihəsi həyata keçirilən zaman Goranboy rayonunun Borsunlu kəndi ərazisində orta əsrlərə aid böyük tarixi-mədəni əhəmiyyətə malik arxeoloji abidə aşkar edilib.

Nazirlik Qarabağ müharibəsi əlillərini yeni minik avtomobilləri ilə təmin etdi

9 Aprel 2018 13:35

Azərbaycan Respublikası Əmək və Əhalinin Sosial Müdafiəsi Nazirliyi tərəfindən 120 ədəd “Naz-Lifan” markalı minik avtomobili Qarabağ müharibəsi və 20 Yanvar əlillərinə təqdim olunub.  Onlardan 117 ədədi Qarabağ müharibəsi, qalan 3 ədədi isə 20 Yanvar əlillərinin istifadəsinə verilib.

Azərbaycanda spirtli içkilərin satışına qadağa qoyula bilər- VİDEO

9 Aprel 2018 13:28

ARB TV-nin "Günə doğru" verilişində ölkədə spirtli içkilərin pərakəndə satışına məhdudiyyət qoyulması barədə maraqlı süjet yayımlanıb.

Bakıda dəhşətli hadisə - Hərəkətdə olan maşın belə yandı - VİDEO

9 Aprel 2018 12:56

Yasamal rayonunda hərəkətdə olan maşın yanıb. Hadisə şahidlərinin məlumata görə yanğın Yasamal rayonu ərazisində yerləşən Qələbə dairəsində baş verib. Hərəkətdə olan maşın anidən yanmağa başlayıb. Əraziyə Fövqaladə Hallar Nazirliyinin yanğınsöndürənləri cəlb edilib. Yanğın nəticəsində xəsarət alan olmasa da, maşına ciddi ziyan dəyib.