“Azərsun Holding” Sumqayıtdakı yanğınla bağlı - AÇIQLAMA

"Azərsun Holding" Sumqayıtda "Azərsun Sənaye Parkı"nın ərazisində baş vermiş yanğınla bağlı məlumat yayıb.

Olaylar.az xəbər verir ki, bu barədə şirkətin rəsmi "Facebook" səhifəsində paylaşım edilib.

Paylaşımda deyilir:

"Azərsun Sənaye Parkı"nın ərazisində başlayan yanğın qısa zamanda ətrafa yayılıb. Ərazidə çalışan əməkdaşların hamısı təxliyə edilib. Hazırda FHN tərəfindən yanğının qarşısının alınması üçün zəruri addımlar atılır. Hadisə ilə bağlı ətraflı açıqlama veriləcək".