Ünvanlı sosial yardımın orta aylıq məbləği 282 manata çatıb

Digər sosial ödənişlər kimi, ünvanlı dövlət sosial yardımlarının məbləğində də artım tempi davam edir. Əməmk və Əhalinin Sosial Müdafiəsi Nazirliyindən "Olaylar"a bildirilib ki, 2022-ci ilin yanvar ayında bir ailəyə ödənilən ünvanlı dövlət sosial yardımının orta aylıq məbləği ötən ilin müvafiq dövrünə nisbətən 17 faiz artaraq 282 manata çatıb. Ünvanlı dövlət sosial yardımının təyin edilməsi üçün  ehtiyac meyarının həddi yeni Qanunla 17,6 faiz və ya 30 manat artırılaraq 2022-ci il üçün 200 manat məbləğində müəyyən edilib. Bu da  cari ildə ünvanlı dövlət sosial yardımının məbləğində də növbəti artıma imkan verəcək.