Həbs olunan sabiq icra başçısı xüsusi imtiyazlı otaqda saxlanılır?-Penitensiar xidmət təkzib edir

Bəzi informasiya saytlarında Ədliyyə Nazirliyi Penitensiar xidmətinin Gəncə şəhərində yerləşən 2 saylı İstintaq təcridxanasında guya həbs edilmiş ayrı-ayrı şəxslərin imtiyazlı şəraitdə saxlanılmasına dair məlumat dərc olunub. Pentensiar Xidmətdən verilən məlumata görə, həmin məlumatın yoxlanılması üçün dərhal təcridxanaya baş çəkilib: "Həbsdə olan şəxslərin saxlanma şəraiti ilə tanış olunmuş və yerində araşdırma aparılıb. Nəticədə məlumatın yanlış olmaqla həqiqəti əks etdirmədiyi və ictimaiyyətdə yalnız çaşqınlıq yaratmaq məqsədi daşıdığı müəyyən edilib".

Sosial şəbəkələrdə yayılan məlumatlara görə, Ağstafanın həbs olunan icra başçısı Nizaməddin Quliyev və onu müavini Ramiz Tatarov Gəncə şəhəri 2 saylı İstintaq Təcridxanasında xüsusi imtiyazlı otaqda saxlanılıblar. Onların həmin otağa divan, kreslo, yumşaq yataq dəsti, böyük diaqonallı televizor, xalça gətirtdikləri, hətta məhbuslardan birini də özlərinə qulluqçu götürdükləri bildirilib.