QHT-lər elektron müraciətlə qrant ala biləcəklər

QHT-lər elektron müraciətlə qrant ala biləcəklər

Milli Məclisin bu gün keçirilən iclasında "Qeyri-hökumət təşkilatları (ictimai birliklər və fondlar) haqqında" qanuna dəyişiklik layihəsi müzakirəyə çıxarılıb. "Olaylar" xəbər verir ki, dəyişikliklə qanuna yeni 24-3-cü maddə (Qrant müqavilələrinin (qərarlarının), xarici maliyyə mənbələri hesabına xidmətlərin göstərilməsi və ya işlərin görülməsi haqqında müqavilələrin qeydə alınmasının və ianələr üzrə məlumatların təqdim edilməsinin elektron müraciət əsasında aparılması) əlavə olunur. Yeni maddəyə əsasən, Qeyri-Hökumət Təşkilatları qrant müqavilələrinin (qərarlarının), xarici maliyyə mənbələri hesabına xidmətlərin göstərilməsi və ya işlərin görülməsi haqqında müqavilələrin qeydə alınmasının və ianələr üzrə məlumatların təqdim edilməsini müvafiq icra hakimiyyəti orqanının elektron məlumat sistemi vasitəsilə elektron qaydada həyata keçirilməsi üçün müraciət edə biləcəklər. Dəyişiklik layihəsi I oxunuşda səsverməyə çıxarılaraq qəbul edilib.