Diasporla İş üzrə Dövlət Komitəsinin 2 əməkdaşında koronavirus aşkarlanıb

Diasporla İş üzrə Dövlət Komitəsinin koronavirusa yoluxmaları ehtimal olunan əməkdaşları testdən keçirilib və Komitənin iki əməkdaşında virus aşkarlanıb. "OLAYLAR"-a Dövlət Komitəsindən daxil olan məlumata görə, onlar hazırda müalicə olunurlar və vəziyyətləri yaxşıdır.

Biuldirilib ki, Diasporla İş üzrə Dövlət Komitəsində qoruyucu tədbirlər davamlı olaraq həyata keçirilir, bütün qaydalara və təlimatlara ciddi əməl olunur. Komitənin inzibati binası mütəmadi olaraq dezinfeksiya edilir, hər gün işə gələn hər bir əməkdaşın bədən hərarəti ölçülür, sosial məsafə saxlanılır, xüsusi dezinfeksiyaedici maddələrdən və maskalardan istifadə olunur.