Sumqayıtda universitet binası uçdu
Sumqayıt Dövlət Universitetinin (SDU) əsas binasının girişi uçub.
Sumqayıt Dövlət Universitetinin (SDU) əsas binasının girişi uçub.
Bu barədə SDU-nun mətbuat katibi Nazxanım Cəlilli məlumat verib.
Onun sözlərinə görə, hadisə 15:30 radələrində baş verib:
"Əslində, kənarında çat əmələ gəldiyi üçün giriş bağlanmışdı və tələbələrin oradan keçməməsi üçün nəzarət edilirdi. Hətta həmin girişin təmiri üçün müraciət də olunmuşdu.
Sumqayıt Dövlət Universitetinin əsas tədris binasının giriş hissəsinin çöl tərəfindən sütunlu tavan çöküb, yararsız vəziyyətə düşüb. Öncə əmələ gələn çatları nəzərə alaraq təhlükəsizlik tədbirləri görüldüyündən hadisə nəticəsində xəsarət alan olmayıb.
Qeyd edək ki, müvafiq strukturlara məlumat verilib. Tələbələr binaya daxil olmaq üçün digər girişlərdən istifadə edirlər. Aidiyyəti qurumlara müraciət edilib və məsələ tezliklə həll ediləcək".