“Gənc ailələrdə ailədaxili münasibətlər, milli-mənəvi dəyərlər və müasirlik!” adlı konfrans keçiriləcək  

Qadın və Gənc Ailələrin Sosial İnkişafı İctimai Birliyinin və Narınc Uşaq Psixologiya Mərkəzinin birgə təşkilatçılığı ilə şimal zonasında “Gənc ailələrdə ailədaxili münasibətlər, milli-mənəvi dəyərlər və müasirlik!” adlı konfrans keçiriləcək.

Qadın və Gənc Ailələrin Sosial İnkişafı İctimai Birliyinin və Narınc Uşaq Psixologiya Mərkəzinin birgə təşkilatçılığı ilə şimal zonasında "Gənc ailələrdə ailədaxili münasibətlər, milli-mənəvi dəyərlər və müasirlik!" adlı konfrans keçiriləcək. İctimai Birlikdən "OLAYLAR"-a daxil olan məlumata görə, iyunun 20-də keçirilməsi nəzərdə tutulan konfrans Xaçmaz rayonunda baş tutacaq. Konfransda aidiyyatı dövlət qurumlarının rəhbərləri və nümayəndələri iştirak edəcək. Konfransın keçirilməsində əsas məqsəd, gənc ailələrdə ailədaxili münasibətlər, ailələrdə milli-mənəvi dəyərlərin qorunması, müasirliyin ailələrə gətirdiyi mənfi və müsbət təsirlər kimi maarifləndirici mövzulara toxunmaqdır. Tədbirin sonunda əqli, fiziki və nitq qüsurlu uşaqlar üçün Narınc Uşaq Psixologiya Mərkəzinin həkim-psixoloq və loqopedləri tərəfindən pulsuz həkim müayinəsi təşkil olunacaq. Pulsuz həkim müayinəsi aksiyasında Xaçmaz rayonunda və ətraf kəndlərində yaşayan fiziki problemləri olan uşaqlar üçün muraciət etmək mümkündür.