Siyasət
Qarabağda itkin düşən azərbaycanlıların yeni sayı AÇIQLANDI
2016-cı il dekabrın sonuna olan məlumata görə, Əsir və itkin düşmüş, girov götürülmüş vətəndaşlarla əlaqədar Dövlət Komissiyasında qeydə alınmış itkinlərin sayı 3866 nəfərdir.
Ağacan Abıyev: “Astan Şahverdiyevin təhqiramiz sözlər işlətdiyi təsdiqləncə, barəsində tədbir görüləcək"
“Deputat Astan Şahverdiyevin etiraza səbəb olan sözlərinin həqiqətən onun tərəfindən deyilib-deyilməməsi hələ ki tərəfimizdən dəqiqləşdirilməyib”.
Ərdoğanın xanımı birinci ledilərə məktub ünvanladı
Türkiyə lideri Rəcəb Tayyip Ərdoğanın xanımı Əminə Ərdoğan xarici dövlətlərin birinci ledilərinə məktub ünvanlayıb. Türkiyənin birinci xanımı suriyalılara yardım göstərilməsi üçün addımlar atmağa çağırıb. Əminə Ərdoğan Suriyada yaşananlara diqqət çəkərək, oradakı əhalinin humanitar faciə yaşadığını qeyd edib. Beş il ərzində Suriyada 600 mindən artıq insan həlak olub. 7 milyondan çox adam evlərini tərk edib, 5 mln insan ölkədən qaçmağa məcbur olub. Kimyəvi silahların tətbiq edildiyi döyüşlərdə qadınlar və uşaqlar həlak olub. Ürəyimiz artıq bu ağrılara tab gətirmir”,- deyə o yazıb.
Bəzi müxaliflətçilər üçün ədəb haqqında…
Dekabrın 24-də cənab Prezidentin doğum günüydü. Onunla çəkdirdiyimiz bir şəkli Facebook üzərindən paylaşaraq təbrik etdik. Təbii ki, xoş sözlər yazdıq, uzun ömür – 100 il yaşamağı arzuladıq. Yəni bir insanın, hələ bir ölkə rəhbərinin doğum gününə nə diləmək olarsa, onu da dilədik.
İran nümayəndə heyəti Azərbaycana səfər edib
İran İslam Respublikasının rabitə və informasiya texnologiyaları naziri Mahmud Vaezinin rəhbərliyi ilə nümayəndə heyəti dekabrın 26-29-da Azərbaycanda səfərdə olacaq. Bu barədə İqtisadiyyat Nazirliyindən “Olaylar”a verilən məlumata görə, Səfər çərçivəsində Azərbaycan Respublikası ilə İran İslam Respublikası arasında iqtisadi, ticarət və humanitar sahələr üzrə Dövlət Komissiyasının 11-ci iclası, Azərbaycan-İran biznes forumu və dövlət rəsmiləri ilə görüşlər keçiriləcək, ölkələrimiz arasında müxtəlif sahələrdə əməkdaşlığın genişləndirilməsi imkanları müzakirə ediləcək. İran nümayəndə heyəti səfər zamanı həmçinin, Naxçıvan Muxtar Respublikasına gedəcək, rəsmi görüşlərdə və bir sıra tədbirlərdə iştirak edəcək.
“Prezident İlham Əliyev Sizin arxanızdadır, Sizin dostunuzdur”
"Media, ümumiyyətlə, bütün dünyada cəmiyyətin ən nüfuzlu ictimai institutudur. Bunu Azərbaycan Respublikası Prezidentinin köməkçisi, Administrasiyanın ictimai-siyasi məsələlər şöbəsinin müdiri, professor Əli Həsənov dekabrın 24-də Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun 31 dekabr - Dünya Azərbaycanlılarının Həmrəyliyi Günü və Yeni il münasibətilə keçirdiyi fərdi jurnalist yazıları müsabiqəsində birinci yerə layiq görülmüş media nümayəndələrinin mükafatlandırılmasına və qarşıdakı əlamətdar bayramlara həsr olunmuş tədbirdə çıxışı zamanı deyib: “Ona görə də ümummilli lider hər zaman medianı cəmiyyətin əsas mexanizmlərindən, əsas ictimai institutlarından biri səviyyəsində görür və dəyərləndirirdi.
Dövlət başçısı aztəminatlı ailələrin sosial müdafiəsini gücləndirməyi daim prioritet vəzifə hesab edir
Azərbaycan Respublikası Tarif (qiymət) Şurasının 2016-cı il noyabrın 28-də keçirilən iclasında təbii qaz, elektrik enerjisi, soba mazutu, reaktiv mühərrik yanacağının satışı tariflərinə baxılmış və müvafiq tarif tənzimlənməsi aparıldı. Başqa sözlə desək, "Azərenerji” və "Azərişıq” səhmdar cəmiyyətlərinin adı çəkilən şuraya müraciətlərində təbii qazın pərakəndə satış tarifi əhali üzrə illik istehlak həcmi 1500 kubmetrədək olan istehlakçılar üçün dəyişdirilməyərək bir kubmetr üçün mövcud 10 qəpik səviyyəsində saxlanılmış, illik istehlak həcminin 1500 kubmetrdən çox olan hissəsi üçün isə 20 qəpik müəyyənləşdirilmişdi. Aylıq elektrik enerjisi istehlakı 250 kilovat-saatadək olan istehlakçılar üçün elektrik enerjisinin qiyməti isə bir kilovat-saat üçün 7 qəpik səviyyəsində saxlanılmışdı. Xatırladım ki, bu zaman istehlak həcminə görə diferensiallaşdırma və optimallaşdırma prinsiplərinin tətbiqinin istehlak səbəti üzrə bir ailənin təbii qaz və elektrik enerjisi üzrə xərclərinin sabit qalmasına, eyni zamanda, israfçılıq hallarının aradan qaldırılmasına stimul verəcəyi bildirilirdi.
Jurnalistlər Astan Şahverdiyevi “Milli Məclisin “otxodu” adlandırdılar
Prezident İlham Əliyev Dağıstan Respublikasının başçısını qəbul edib
Prezidenti İlham Əliyev dekabrın 26-da Rusiya Federasiyası Dağıstan Respublikasının başçısı Ramazan Abdulatipovun rəhbərlik etdiyi nümayəndə heyətini qəbul edib. AZƏRTAC
Prezident İlham Əliyevə təbriklər gəlməkdə davam edir
Rusiya Federasiyasının Volqoqrad vilayətinin qubernatoru Andrey Boçarov prezident İlham Əliyevi təbrik edib.
Generaldan AÇIQLAMA: "Rusiya Azərbaycana "İsgəndər" satmayacaq"
Rusiya Azərbaycana "İsgəndər" raketləri satmayacaq. Bunu Ermənistanın tert.am portalına müsahibəsində Rusiya Dövlət Dumasının deputatı, general Viktor Vodolaski bildirib. Onun sözlərinə görə, vaxtı ilə vaxtı ilə Rusiya Dövlət Dumasının Müdafiə məsələləri üzrə komitənin sədr müavini olduğundan çox şeydən xəbərdardır. "Buna görə də, mən çox şeyi yaxşı bilirəm. Bu məsələ müdafiə, təhlükəsizliklə, Rusiyanın hərbi sənaye kompleksi ilə bağlıdır. Biz "İsgəndər" raketini yalnız bir ölkəyə satmışıq - o da Ermənistandır. "İsgəndər" başqa heç bir ölkəyə satılmayacaq", - deyə əlavə edib. Vodolaski qeyd edib ki, Rusiya Azərbaycana hücum xarakterli silahlar satmır.
Ərdoğan prezident İlham Əliyevi təbrik edib
Türkiyə Respublikasının prezidenti Rəcəb Tayyib Ərdoğan prezident İlham Əliyevi təbrik edib.
İlham Şaban: "Ermənistan rəhbərliyinin "tranzit diplomatiya" siyasəti ciddi qarşılanmır"
“Ermənistan uzun illərdir özünün tranzit enerji ölkəsinə çevrilməsi yönündə müxtəlif bəyanatlar verir, kiçik formatlı konfranslarda bunu gündəmə gətirir. Məqsəd isə Azərbaycanın hər gün böyüyən və əhəmiyyətini artıran regional enerji və tranzit layihələri içərisində Ermənistanın işğalçılıq siyasəti ucbatından təcrid olunduğunu dünya ictimaiyyətinin gözündən yayındırmaq üçün hansısa bir şəkildə lokal layihələrin iştirakçısına çevrilməkdir”. Bunu açıqlamasında “Caspian Barrel” Neft Araşdırmaları Mərkəzinin rəhbəri İlham Şaban deyib.
Ermənilər atəşkəs rejiminə əməl etmir
“OLAYLAR”-ın Müdafiə Nazirliyinə istinadən verdiyi xəbərə görə, erməni silahlı bölmələri cəbhənin müxtəlif istiqamətlərində sutka ərzində atəşkəs rejimini ümumilikdə 38 dəfə pozub. Ermənistan Respublikası İcevan rayonunun Paravakar kəndində və adsız yüksəkliklərdə yerləşən mövqelərdən Qazax rayonu ərazisindəki adsız yüksəkliklərdə yerləşən mövqelərimiz atəşə tutulub. İşğal altında olan Tərtər rayonunun Göyarx, Çiləbürt, Ağdam rayonunun Şuraabad, Xocavənd rayonunun Kuropatkino, Füzuli rayonunun Horadiz, Cəbrayıl rayonunun Mehdili kəndləri yaxınlığında, həmçinin Göygöl, Goranboy, Tərtər, Xocavənd və Füzuli rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.
Dövlət Fitosanitar Nəzarəti Xidmətinin səlahiyyətləri artırıldı
Prezident İlham Əliyev Azərbaycan Respublikası Prezidentinin 2005-ci il 20 aprel tarixli 226 nömrəli fərmanı ilə təsdiq edilmiş “Azərbaycan Respublikasının Kənd Təsərrüfatı Nazirliyi yanında Dövlət Fitosanitar Nəzarəti Xidməti haqqında Əsasnamə”də dəyişikliklər edilməsi barədə fərman imzalayıb.














