İsrail və Livan arasında sülh danışıqlarında irəliləyiş: İlk raund uğurla başa çatdı – ÖZƏL

Olaylar.az xəbər verir ki, İsrailin ABŞ-dəki səfiri Yehiel Layter Vaşinqtonda baş tutan Livan-İsrail təmaslarının ilkin mərhələsini yüksək qiymətləndirərək, tərəflərin Livanın "Hizbullah"dan təmizlənməsi mövzusunda həmrəy olduqlarını bildirib. 

ABŞ-nin vasitəçiliyi ilə keçirilən və gələcək sülh danışıqlarının tarixini müəyyənləşdirməyi hədəfləyən görüşdə Livanı səfir Nada Hammade-Muavvad təmsil edib. 

Diplomat iki ölkə sərhədinin gələcəkdə turizm və biznes mərkəzinə çevriləcəyinə ümid etdiyini desə də, mülki infrastruktura dəyən zərərə görə bütün məsuliyyətin "Hizbullah"ın üzərinə düşdüyünü və raket hücumlarına qarşı qətiyyətli mövqe nümayiş etdirəcəklərini vurğulayıb.