Deputatlar Qərbi Azərbaycandan olan gənclərlə görüş keçiriblər-Özəl

Milli Məclisin bir sıra deputatı Qərbi Azərbaycandan olan gənclərlə görüş keçirib. "Olaylar" xəbər verir ki, bu barədə millət vəkili Kamal Cəfərov məlumat verib: "2024-2025-ci tədris ilində keçirilən tələbə qəbulu imtahanlarında ixtisas qrupları üzrə ən yüksək nəticə göstərərək Azərbaycan Respublikasının Prezidentinin təqaüdünü qazanan Qərbi Azərbaycandan olan gənclərlə görüş keçirdik. Görüş zamanı gənclərə Qərbi Azərbaycanın zəngin irsinin qorunub saxlanılması və bilik, bacarıqlarının inkişaf etdirilməsi ilə bağlı tövsiyələrimizi verdik".