Fransanın mövqeyi 30 ildir ortadadır - Komitə sədri

Millət vəkili Siyavuş Novruzov  Milli Məclisin olenar iclasında parlamentlərarası əlaqələr üzrə işçi qruplarının fəaliyyətinin gücləndirilməsini təklif edib. "Olaylar" xəbər verir ki, deputat təklif edib ki, Milli Məclisin parlamentlərarası əlaqələr üzrə işçi qruplarının sayı artdıqca haqq səsimizi dünya ictimaiyyətinə çatdırmaq istiqamətində fəaliyyətimiz daha da genişləndirilməlidir. Onun sözlərinə görə, Azərbaycan həqiqətləri və ədalətsizlikləi işçi qruplar vasitəsilə dünya ictimaiyyətinə çatdırılmalıdır: "Biz nəinki müəyyən günlərdə, mütəmati şəkildə bu işlə məşğul olmalıyıq. Bu gün bir çox deputat Fransanın mövqeyindən təəssüf hissi keçirdiyini bildirdi. Axı niyə təəssüflənirik ki? Bəyəm Fransanın mövqeyi hər zaman bəlli deyildi? Onların mövqeyi 30 ildir ortadadır və mübarizəni bu müddətdə aparmalı idik".