ABŞ-dan Venesuela barədə TƏHLÜKƏLİ GEDİŞ

ABŞ Juan Quaydonun prezident kimi tanınması haqqında BMT Təhlükəsizlik Şurasının qətnaməsini hazırlayacaq.

"RİA-Novosti"  xəbər verir ki, bu haqda ABŞ-ın vitse-prezidenti Mayk Pens bildirib.

"Vaxt gəldi ki, Birləşmiş Millətlər Təşkilatı müvəqqəti prezident Juan Quaydonu Venesuelanın qanuni prezidenti kimi tanısın və onun nümayəndəsini qəbul etsin", - Pens deyib.

Qeyd edək ki, Venesuelada vəziyyət yanvarın 23-də - kütləvi etirazlardan sonra parlament spikeri Quaydonun özünü müvəqqəti prezident elan etməsindən sonra kəskinləşib. ABŞ, Avropa İttifaqı və Latın Amerikası ölkələrinin əksəriyyəti onun qanuni dövlət başçısı kimi tanıyıblar.