Mədəniyyət

“Gürcüstanın sehrli ritmləri”

9 Yanvar 2017 14:39

Yanvarın 27-də Heydər Əliyev Sarayda Gürcüstanın tanınmış rəqs kollektivləri və estrada müğənnilərinin iştirakı ilə konsert proqramı keçiriləcək. “Olaylar” –a verilən məlumata görə “Gürcüstanın sehrli ritmləri” adlı konsertdə Gürcüstanın tanınmış estrada müğənniləri Gia Nikoladze, Mariam Elieshvili, Aysel Məmmədova və beynəlxalq müsabiqələrin lauriatları və qalibləri olan “Martve”, “Samefo”, “Didgori” mahnı və rəqs ansamblları iştirak edəcəklər. Rəqs kollektivlərinin ifasında folklor (etnik) rəqslər və rəngarəng çıxışlar təqdim olunacaq. Biletlərin qiyməti 10-30 manat arasında dəyişir. Biletləri şəhərin kassalarından və ASAN xidmət mərkəzlərindən əldə etmək olar.

Teatra təşəkkür etdilər

9 Yanvar 2017 14:35

Dövlət Gənc Tamaşaçılar Teatrının məktəblilərin yeni il tətili günlərində nümayiş etdirdiyi tamaşalar fiziki qüsurlu və valideyn himayəsindən məhrum uşaqlar tərəfindən də çox böyük maraqla qarşılanıb.

Caz ifaçılarının konserti olacaq

9 Yanvar 2017 14:36

Fevralın 16-da Heydər Əliyev adına Sarayda tanınmış yerli caz ifaçılarının konsert proqramı keçiriləcək. “Olaylar” – a verilən məlumata görə “jAzzeri Bands” caz musiqi axşamında Əməkdar İncəsənət Xadimləri Cavan Zeynallı və Cəmil Əmirov, Respublikanın Xalq artisti Ənvər Sadıqov, Əməkdar artistlər Akif Süleymanbəyli, Emil Əfrasiyab, ifaçılar Təranə Mahmudova, Teymur Süleymanbəyli (saksafon), Rast və Qaya qrupları iştirak edəcəklər. Caz ifaçıları konsertdə yerli caz kompozisiyaları ilə yanaşı, dünyaca məşhur caz ustalarının əsərlərini də səsləndirəcəklər.

Musiqili Teatrda ilin ilk premyerası

9 Yanvar 2017 13:01

Azərbaycan Dövlət Musiqili Teatrında 107-ci mövsümün növbəti, 2017-ci ilin isə ilk premyerası keçiriləcək. Dövlət Musiqili Teatrının Mətbuat katibi Samir Sədaqətoğlu “Olaylar” – a bildirib ki, 11 yanvar saat 19.00-da İmre Kalmanın dünyaca məşhur olan “Silva” operettası tamaşaçılara təqdim olunacaq. Əsərin süjet xəttini saf, təmiz, böyük sevgi hekayəsi təşkil edir. Kabaredə müğənni işləyən Silva Varesku ilə knyaz oğlu Edvin Vedlersxeym arasında yaşanan eşq Edvinin ailəsi tərəfindən birmənalı qarşılanmır. Valideynləri Silva ilə evlənməyə hazırlaşan Edvini başqası ilə nişanlamağa qərar verirlər. Bundan sonra dinamik, gözlənilməz situasiyalarla zəngin olan operettada yeni mərhələ - iki gəncin öz sevgisi uğrunda mübarizəsi başlayır. Və məhz bu mübarizə nəticəsində sonda bir çox qaranlıq mətləblərə aydınlıq gəlir...