Gənc ifaçıların konserti keçirilib

Səbail rayonu, Rəşid Behbudov adına 2 saylı onbirillik musiqi məktəbi şagirdlərinin R.Mustafayev adına Azərbaycan Milli İncəsənət Muzeyində konserti keçirilib. Tədbirin sonunda məktəbin  məzunu Sadıq Məlikovun ifasında Rəşid Behbudovun repertuarından mahnılar səslənib.  Ukrayna Respublikasının Azərbaycandakı səfiri Aleksandr Mişenko da tədbirdə iştirak edib. Məktəbin direktoru Qəmər Quliyeva qonaqlara öz minnətdarlığını bildirərək bu kimi konsert proqramlarının rayondakı digər mədəniyyət ocaqlarında da mütəmadi olaraq keçiriləcəyini bildirib. ("OLAYLAR"İA)