Kriminal
“MTN işi”ndə vəkillər jurnalistlərə açıqlama verməkdən imtina ediblər
Ləğv edilmiş MTN-in sabiq baş idarə və idarə rəisləri Sübahir Qurbanov, Teymur Quliyev, Natavan Mirvətova, həmin qurumun vəzifəli şəxsləri Fizuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun barəsində olan cinayət işi üzrə məhkəmə prosesi davam etdirilib.
Polisə "işə düzəldən" qadın məhkəmə zalında həbs edildi
Bu gün Bakı Ağır Cinayətlər Məhkəməsində dələduzluqda təqsirləndirilən Məhparə Kazımovanın cinayət işi üzrə məhkəmə prosesi başa çatıb. Hakim Cavid Hüseynovun sədrliyi ilə keçirilən prosesdə hökm oxunub.
Leyla Şıxlinskayanın 100 min dollarlıq iddiası ləğv olundu
"Leyla Şıxlinskaya" klinikasının rəhbəri, xalq artisti Leyla Şıxlinskaya ilə iş adamı Coşqun Mirzəyev arasındakı 100 min dollarlıq məhkəmə çəkişməsi yekunlaşıb.
FETÖ işi ilə əlaqədar həbs olunmuş AXCP üzvünün məhkəməsi başlayıb
Bu gün Bakı Ağır Cinayətlər Məhkəməsində Azərbaycan Xalq Cəbhəsi Partiyasının (AXCP) üzvü Fuad Əhmədlinin cinayət işi üzrə məhkəmənin hazırlıq iclası keçirilib. Hakim Fikrət Qəribovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Avtoqəzada 1 nəfər ölüb, 2-si xəstəxanaya yerləşdirilib
Tovuz rayonunda ölümlə nəticələnən yol-nəqliyyat hadisəsi baş verib. DİN-dən verilən məlumata görə, aprelin 12-də saat 3 radələrində Tovuz rayonunun Qovlar şəhərində Şəmkir rayon sakini Elmir Yunisli idarə etdiyi "VAZ-21011" markalı avtomobili yolun kənarındakı ağaca vurub. Nəticədə sürücü hadisə yerində ölüb, 2 sərnişini isə xəstəxanaya yerləşdirilib. Tovuz RPŞ tərəfindən araşdırma aparılır.
Akif Çovdarov və digərlərinin məhkəməsində zərərçəkmiş şəxslər ifadə verib
Sabunçu Rayon Məhkəməsində ləğv olunmuş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin həbsdə olan sabiq rəisi, general-mayor Akif Çovdarovun və digərlərinin cinayət işi üzrə məhkəmə prosesi davam etdirilib.
Əli İnsanov məhkəmədə ifadə verib
Bu gün Qaradağ Rayon Məhkəməsində Azərbaycanın sabiq səhiyyə naziri Əli İnsanovun barəsində açılmış cinayət işi üzrə məhkəmə iclası davam etdirilib. Hakim Rəşad Mustafayevin sədrliyi ilə keçirilən prosesdə dövlət ittihamçısı ittiham aktını elan edib.
Evlərə qənim kəsilən şəxs ələ keçib
Fizuli rayonunda oğurluq faktının üstü açılıb. DİN-dən verilən mlumata görə, DİN-in Kriminalistik Tədqiqatlar İdarəsi və Füzuli RPŞ əməkdaşlarının keçirdikləri tədbirlərlə cari il yanvarın 29-da rayon ərazisindəki evlərdən birindən 500 manat pul və 1 cüt qızıl sırğa oğurlamaqda şübhəli bilinən Qarabağ kənd sakini Ruslan Əliyev saxlanılıb. Ətrafında aparılan tədbirlərlə onun yanvarın 28-də rayon ərazisindəki daha bir evdən mobil telefon və qızıl üzük oğurlaması da müəyyən edilib.
MMC-dən pul oğurlayan tutulub
Nəsimi rayonunda fəaliyyət göstərəb MMC-dən oğurluq edən şəxs saxlanıb. DİN-dən verilən məlumata görə, DİN-in və Bakı ŞBPİ-nin Kriminalistik Tədqiqatlar idarələri, Nəsimi RPİ və Sumqayıt ŞPİ əməkdaşlarının birgə keçirdikləri tədbirlərlə cari il yanvarın 12-də Nəsimi rayonu ərazisində fəaliyyət göstərən MMC-lərdən birinin seyfindən 1000 manat və 1000 ABŞ dolları oğurlamaqda şübhəli bilinən Xaçmaz rayon sakini, əvvəllər məhkum olunmuş Elturan Vəlibəyov Sumqayıt şəhəri ərazisində tutulub. Araşdırma aparılır.
Nəqliyyat vasitəsində gizlədilən siqaretlər aşkarlandı
Xaçmaz Gömrük İdarəsinin "Samur" gömrük postunun idxal nəzarəti zonasına Rusiya Federasiyası istiqamətindən daxil olan Azərbaycan Respublikası vətəndaşının idarə etdiyi "VAZ 21124" markalı nəqliyyat vasitəsinə gömrük baxışı keçirilib. Dövlət Gömrük Komitəsindən verilən məlumata görə, yoxlama zamanı nəqliyyat vasitəsinin istilik sobasının altından gömrük nəzarətindən gizlədilən 2800 ədəd "NZ Gold Compact" və 2000 ədəd "Portal Gold" markalı, ümumilikdə 4800 ədəd siqaretlər aşkar edilib. Faktla bağlı araşdırma aparılır.
Qadını çılpaq şəklini yayacağı ilə şantaj etdi
Bakı sakinini şantaj edən şəxs tutulub. Daxili İşlər Nazirliyinin mətbuat xidmətindən verilən məlumata görə, Bakı şəhər sakini olan bir nəfər Nəsimi Rayon Polis İdarəsinin 22-ci polis bölməsinə müraciət edərək paytaxt sakini olan Rövşən Xankişiyev tərəfindən döyüldüyünü, çılpaq şəkillərini çəkib sosial şəbəkədə yayacağı ilə hədələyərək ondan 1000 manat pul tələb etdiyini bildirib. 22-ci PB əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən R.Xankişiyev tutulub.
Qətl törətməkdə şübhəli bilinən qardaşlar saxlanıb
Abşeron rayonunun “28 May” qəsəbə sakinini qətlə yetirməkdə şübhəli bilinən Salyan rayon sakinləri tutulublar. Daxili İşlər Nazirliyinin mətbuat xidmətindən verilən məlumata görə, aprelin 10-da Abşeron rayonunun “28 May” qəsəbəsi ərazisindən qəsəbə sakini Tapdıq Məmliyev döyülmə xarakterli xəsarətlə xəstəxanaya aparılarkən yolda ölüb. Abşeron Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində qətli törətməkdə şübhəli bilinən Salyan rayon sakinləri Səftər Hacıyev, qardaşı Bəxtiyar və əmisi oğlu Şahmar Hacıyev tutulublar.
"Rabitə işi" üzrə məhkəmə prosesi növbəti dəfə təxirə düşüb
Bu gün Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə prosesi davam etdirilib.
Ölkəyə qanunsuz siqaret gətirilməsinin qarşısı alınıb
Xaçmaz Gömrük İdarəsinin “Samur” gömrük postunun idxal nəzarəti zonasına Rusiya Federasiyası istiqamətindən daxil olan Azərbaycan Respublikası vətəndaşının idarə etdiyi “Ford Transit” markalı nəqliyyat vasitəsinə gömrük baxışı keçirilib. Dövlət Gömrük Komitəsindən verilən məlumata görə, yoxlama zamanı nəqliyyat vasitəsinin ön və arxa təkərlərinin içərisindən gömrük nəzarətindən gizlədilən 13 000 ədəd “NZ Gold Compact” markalı siqaret aşkar edilib.
Qazaxda sürücülük vəsiqəsi düzəltmək üçün vətəndaşlardan pul alan şəxs tutulub
Qazax rayonunda dələduzluq edən şəxs saxlanıb. Rayonun Yuxarı Salahlı kənd sakini Musa Cəfərov həmyerlilərini aldadaraq onlardan sürücülük vəsiqəsi düzəltmək adıyla pul alıb. İlkin məlumatlara görə, beş nəfərdən 5 000 manat pul alan M.Cəfərov bir müddət kənddə görünməyib.