Gəmidə qanunsuz yük aşkar edilib

Dövlət Gömrük Komitəsi (DGK) Sumqayıt Baş Gömrük İdarəsinin əməkdaşları Xəzər dənizi vasitəsilə ölkə ərazisinə qanunsuz yolla yük gətirilməsinin qarşısını alıblar.

DGK-dan "Olaylar"a verilən məlumata görə, gömrük əməkdaşları İqtisadi Mənafelərin Mühafizəsi Gömrük İdarəsindən daxil olan əməliyyat məlumatı əsasında İrandan Azərbaycana gələn "NILOUFAR ABI" adlı yük gəmisinə baxış keçiriblər. Baxış zamanı, gəmidə Azərbaycanın gömrük ərazisinə idxal olunan və gömrük orqanına bəyan edilməyən 98120 kq ağ sement və 24500 kq polietilen yükləri aşkar olunub. Faktla bağlı araşdırma aparılır.