Sumqayıtda evlərə qənim kəsilən şəxslər saxlanıblar

Sumqayıtda bu ilin martından iyunun 1-dək olan müddətdə 9 evdən oğurluq edən şəxslər saxlanılıb.

Sumqayıtda bu ilin martından iyunun 1-dək olan müddətdə 9 evdən oğurluq edən şəxslər saxlanılıb.

DİN-dən "Olaylar"a verilən məlumata görə, evlərdən təmir-tikinti alətləri, elektrik naqilləri, inşaat materialları, qızıl-zinət, məişət və geyim əşyaları oğurlanıb. Hadisəni törətməkdə şübhəli bilinən şəxslər - Corat qəsəbə sakinləri Tasim Dadaşov və Rüfət Abasəliyev saxlanılıblar. Araşdırmalarla onların cinayət yolu ilə əldə etdikləri əşyaları 3 metal qəbulu məntəqəsinə satdıqları müəyyən edilib və maddi sübutlar polis əməkdaşları tərəfindən həmin məntəqələrdən aşkar edilərək götürülüb. Faktla bağlı araşdırma aparılır.