Paytaxtda soyğunçular saxlanıb

Soyğunçuluq etməkdə şübhəli bilinən paytaxt sakinləri saxlanılıblar.

DİN-dən "Olaylar"a verilən məlumata görə, mayın 8-də Nizami rayonunun Q.Qarayev prospektində 3 nəfər naməlum şəxs Bakı şəhər sakini R.Əliyevin mobil telefonunu soyğunçuluq yolu ilə ondan almışlar. 25-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən paytaxt sakinləri Zahir Nəbiyev, Rasim Larionov və Ərəstun Məmmədov saxlanılmışlar.

Nizami RPİ tərəfindən araşdırma aparılır.