Bakıda həbsxanada olan iş adamının avtobusları toqquşdu: 3 nəfər yaralandı - YENİLƏNİB - FOTO

14 Oktyabr 2017 16:31 Kriminal

Qafqazinfo-nun əldə etdiyi məlumata görə, hər iki marşrut xətti "Safastore" hadisəsində adı hallanan və hazırda həbsxanada olan iş adamı Azadxan Xanməmmmədovaməxsusdur.

----------

14:37

Bakıda iki marşrut avtobusu toqquşub.

Bakı Nəqliyyat Agentliyindən Milli.Az-a verilən məlumat görə, hadisə paytaxtın Sabunçu rayonunun Bakıxanov qəsəbəsində qeydə alınıb. 57 saylı marşrut xətti üzrə hərəkət edən, 90 RX 457 dövlət qeydiyyat nişanlı avtobusun sürücüsü Elnur İmanov yolun hərəkət hissəsinə çıxan piyadanı vurmamaq üçün qəfil əyləcə basıb.

Nəticədə arxada hərəkətdə olan, Hafiz Məmmədovun idarə etdiyi 49 nömrəli, 99  XJ 572 dövlət qeydiyyat nişanlı sərnişin avtobusu 57 nömrəli avtobusa çırpılıb.

BNA-nın araşdırmaları nəticəsində məlum olub ki, qəza zamanı 3 nəfər sərnişin yüngül xəsarət alıb.

Bakı Şəhər Təcilli Tibbi Yardım Stansiyasının baş həkimi Rauf Nağıyev APA-ya bildirib ki, qəza nəticəsində xəsarət alan 3 nəfərə hadisə yerində tibbi yardım göstərildikdən sonra buraxılıblar.

Təklifinizi, şikayətinizi bizə yazın. Sizi dinlərik. 055 634 88 31