"Barselona"da ciddi itki

"Barselona" klubunun yarımmüdafiəçisi Xavi Hernandez zədələnib. Qol.Az-ın məlumatına görə, 34 yaşlı futbolçu komandasının son məşqində baldırından zədə alıb. Klubdan verilən açıqlamada Xavinin hansı müddətə sıradan çıxmasının məlum olmadığı bildirilib: "Ötən gün baş tutan məşqdə Xavi baldırından zədə aldı. Tibbi müayinədən sonra futbolçunun nə vaxt yaşıl meydanlara qayıdacağı müəyyənləşəcək".