"Qalatasaray"dan Pirlo açıqlaması

"Qalatasaray"ın prezidenti Ünal Aysal "Yuventus"un futbolçusu Andrea Pirlonu transfer edəcəkləri ilə bağlı yayılan iddialara aydınlıq gətirib. Qol.Az-ın Türkiyə mətbuatına istinadən verdiyi məlumata görə, o, təcrübəli oyunçu ilə maraqlanmadıqlarını deyərək iddiaları təkzib edib: "Pirlonun adı bizim transfer siyahımızda yoxdur. Onun üçün "Yuventus"a təklif göndərməmişik".

Qeyd edək ki, İtaliya mətbuatı "Qalatasaray"ın Pirlo üçün "Yuventus"a təklif göndərdiyini yazıb.