Almaniya millisinin qazandığı dünya kuboku zədələndi

Almaniya millisinin Braziliyada qazandığı dünya kubokunun bir hissəsi qırılıb. Qol.Az-ın xarici KİV-lərə istinadən yaydığı xəbərə görə, bu barədə Almaniya Futbol Federasiyasının prezidenti Volfqanq Nirsbax açıqlamasında deyib. O bildirib ki, kuboku kimin zədələdiyi müəyyənləşməyib. Federasiya rəsmisi eyni zamanda qırılmış hissənin mütəxəssislər tərəfindən bərpa ediləcəyini deyib.

Qeyd edək ki, Almaniya millisinin qazandığı kubokun surəti zədələnib. Kubokun əsli isə FİFA-nın İsveçrədəki ofisində saxlanılır.