Simeone: "İspaniyanın ən yaxşı ikinci klubu "Real" deyil, bizik"

"Atletiko"nun (Madrid) baş məşqçisi Dieqo Simeone iddialı açıqlama verib. Qol.Az-ın məlumatına görə, "COPE"ya danışan argentinalı mütəxəssis deyib ki, İspaniyanın ikinci ən yaxşı klubu öz komandasıdır. "Real"dan (Madrid) daha güclü olduqlarını düşünən çalışdırıcı "Barselona"nı ölkənin ən yaxşı komandası hesab edir:
 "La Liqa çox sıxıcıdır. Çünki "Barselona" çox vaxt zirvədə olur. Onlar yaxşı, pis oynasalar da, qazanırlar. Biz də bu mövsüm "Barsa"nı izləyirik. İspaniyanın ən yaxşı ikinci klubu "Real" deyil, bizik".