Bakıda körpünün məhəccərləri relslərin üzərinə düşdü - Qatarlar gecikdi

Bakıda güclü külək nəticəsində avtomobil körpüsünün məhəccərləri qoparaq dəmir yolu relslərinin üzərinə düşüb.

"Azərbaycan Dəmir Yolları" QSC-dən (ADY) Trend-ə verilən məlumata görə, hadisə Zabrat-2 stansiyası sahəsində qeydə alınıb.

Hadisə nəticəsində Bakı-Pirşağı-Sumqayıt-Bakı xətti üzrə bəzi qatarların hərəkətində gecikmə yaranıb.

ADY əməkdaşları tərəfindən relslərin üzərinə düşən maneələr aradan qaldırılıb və qatarların hərəkəti təmin edilib.