Bakıda güclü yanğın - Sakinlər qatı dumandan narahatdır

Bakının Xəzər rayonu ərazisində güclü yanğın başlayıb.

Bu barədə hadisə şahidləri BAKU.WS-in "qaynar xətti"nə məlumat veriblər.

Bildirilir ki, hazırda ərazini qara və qatı duman bürüyüb. Sakinlər bundan narahat olduqlarını bildiriblər.

Hadisə ilə bağlı Fövqəladə Hallar Nazirliyindən BAKU.WS-ə bildirilib ki, yanğın Binə qəsəbəsində açıq ərazidə başlayıb.

Dərhal əraziyə FHN-in Dövlət Yanğından Mühafizə Xidmətinin qüvvələri cəlb edilib. Yanğın nəzarətə götürülüb. Hazırda alovun söndürülməsi istiqamətində iş gedir.