Xızıda teplovozla avtomobil toqquşdu - FOTO

Xəbərlərimizi "WhatsApp" kanalımızdan oxuyun

Bu gün saat 13:20 radələrində ADY-yə məxsus teplovoz Sitalçay-Tağıyev çeşidləmə mənzilində hərəkətdə olarkən dövlət qeydiyyat nişanı 99-MR-785 olan "Mercedes" markalı avtomobil xəbərdarlıq nişanlarına məhəl qoymadan dəmiryol xəttini keçməyə cəhd edib.

Bu barədə Olaylar.az-a qurumdan məlumat verilib.

Məlumata görə, toqquşma nəticəsində xəsarət alan olmayıb.

ADY nəqliyyat vasitələri sürücülərini "Yol hərəkəti haqqında" Azərbaycan Respublikası Qanununun 44-cü maddəsinin tələblərinə ciddi riayət etməyə çağırır.

Dəmiryol keçidlərindən keçən zaman diqqətli olun! Qaydaları pozan sürücülər sadəcə 100 AZN məbləğində cərimələnmir, özünün və sərnişinlərin həyatını da riskə atırlar.