Dünya

İran kəşfiyyat naziri: "Son 2 həftədə İranda bir neçə terrorçu qrup zərərsizləşdirilib"

9 İyun 2017 12:34

Son iki həftə ərzində İranda bir neçə terrorçu qrup zərərsizləşdirilib. Bunu İranın kəşfiyyat naziri Mahmud Ələvi deyib. O qeyd edib ki, son iki il ərzində isə ölkədə 100-dən çox terror aktının qarşısı alınıb. Bu müddət ərzində terror qruplarının üzvləri müəyyənləşdirilib və həbs olunub.

Tereza Mey istefa vermək niyyətində deyil

9 İyun 2017 12:15

Sədrlik etdiyi hakim Mühafizəkarlar Partiyası növbədənkənar seçkilərin yekunu üzrə parlament çoxluğunu itirsə də, Böyük Britaniyanın Baş naziri Tereza Mey istefa vermək niyyətində deyil.

Tehrana hücum planı: Ayətullahlara qarşı mübarizə, yoxsa ərəb əksinqilabı?

9 İyun 2017 11:51

Fars körfəzində yeni gərilimin meydana çıxdığı son bir həftəni qum dənizində xalq demokratiyası-Cümhuriyyət qurmağa qalxmış bədəvi lideri Müəmmər Qəzzafinin ruhunun yenidən dirilişi adlandırmaq olar. Despotizmi devirərək kral İdrisin taxt-tacını ələ keçirən polkovnikin 40 illik hakimiyyəti sona çatanda indi ətrafında diplomatik mühasirə qurulan Qətər Birləşmiş Ştatların baş inqilabi qərərgahına çevrilmişdi. Anqlosaks dünyasının beyin mərkəzləri və əsas siyasi institutları- hakimiyyət dizaynerləri Dohada özlərini çox rahat hiss edir,Tunisdən başlayan antitiraniya hərəkatını uğurla yönləndirirdilər.RAND korporasiyası,Brookings institutu, Corctaun və Şimal-Qərb universitetləri məhz Qətər hökumətinin yardımı ilə digər ərəb qardaşlarının əleyhinə olan milyonlarla narazı kütlənin çıxışlarını hazırlayır,onları “Əl-Cəzirə”nin tribunasından dünyaya yayırdı. Lakin “inqilab öz balalarını yeyir”, deyirlər.Tarixin ironiyasına baxın, ötən əsrin 90-cı illərində saray çevrilişi nəticəsində hakimiyyəti ələ götürən hazırki əmirin atası Həmad əl Xəlifəni həzm etməyən, ona düşmən kimi baxaraq üstünə səud komandoslarını göndərən Ər-Riyad xilafətini məhz Ağ Evin işə müdaxiləsi durdurmuşdu.Yoxsa, müqəddəs torpaqdan kənarda alternativ siyasi mərkəz statusu qazanmağa iddialı olan bir dövləti kral ordusunun əlindən heç kəs ala bilməzdi.

Tehran terrorunun arxasından Ermənistan çıxdı

9 İyun 2017 11:33

İrana daxil olan terrorçular Ermənistandan keçiblər. Bu fikri Beynəlxalq Əsilsiz Erməni İddiaları ilə Mübarizə Dərnəyinin (ASİMDER) rəhbəri Göksel Gülbey irəli sürüb. "Tehrandakı partlayışları törədən terrorçular İranın illərdir bəslədiyi, müttəfiqi olaraq gördüyü və sərhəddə viza belə istəmədiyi qonşu Ermənistandan keçiblər", - o, bildirib.

Tehranda terror qurbanları ilə vida mərasimi keçirilir

9 İyun 2017 11:31

İranın Kirmanşah şəhərində Tehranda baş vermiş terrorda rolu olmuş iki nəfər saxlanılıb.  Kirmanşah polisi elan edib ki, Ravansər bölgəsində 2 nəfər saxlanılıb. Bundan başqa, Kirmanşahın Səlas Babacani şəhərində sahibsiz "Peugeot" markalı avtomobildə 92 ədəd tapança tapılıb.  

Pakistan da Qətərə ordu göndərəcək

9 İyun 2017 11:25

Türkiyənin Qətərə hərbi kontingent göndərmək barədə qərarından sonra Pakistan da analoji qərar qəbul edib. Pakistanın Qətərə 20 mindən çox hərbi qulluqçu göndərəcəyi gözlənilir. Bu qərar Pakistan və Türkiyə arasında hərbi sahədə mövcud saziş çərçivəsində qəbul edilib. Prezident türk hərbçilərin Qətərdə yerləşdirilməsi barədə sazişi təsdiq etdi.

Ərdoğan hərbçilərin Qətərdə yerləşdirilməsi barədə sazişi təsdiq etdi

9 İyun 2017 11:22

Türkiyə prezidenti Rəcəb Tayyib Ərdoğan Türkiyə və Qətər arasında türk hərbçilərin Qətər ərazisində yerləşdirilməsi barədə sazişin ratifikasiyası haqqında sərəncam imzalayıb.

Tereza Mey yenidən Parlamentə üzv seçildi

9 İyun 2017 09:36

Britaniyanın baş naziri Tereza Mey parlamentə yenidən üzv seçilib. Baş nazir Berkşir qraflığının Meydenhed şəhərində qələbə qazanıb. Onun namizədliyinə 37 min insan səs verib. Ondan əvvəl İcmalar Palatasına Britaniyanın xarici işlər naziri Boris Conson, təhsil naziri Castin Qrininq, müdafiə naziri Maykl Fellon, həmçinin leyboristlərin lideri Ceremi Korbin seçilib.

Göyərtəsində 160 nəfər olan təyyarə tüstüləndi və...

9 İyun 2017 09:34

"Korean Air" aviaşirkətinə məxsus sərnişin təyyarəsi pilotun kabinəsində tüstülənmə səbəbindən təcili eniş edib. Hava gəmisi Pusan – Fukuoka marşrutu üzrə hərəkətdə olub.

Smartfon kompası haker hücumlarından qorunmağa kömək edəcək

8 İyun 2017 19:50

Qurğuların səsli komandalardan istifadə etməklə idarə edilməsinin rahat funksiya olmasına baxmayaraq bu, hakerlərə müdaxiləyə imkan verir. İstifadəçilərin səs yazılarından yararlanan hakerlər telefona və ya səsin tanınması proqram təminatına malik istənilən qurğuya çıxış əldə edə bilirlər. Lakin ABŞ-ın Buffalo Universitetinin tədqiqatçıları tərəfindən smartfonlarda quraşdırılan kompasdan belə hücumların qarşısını almaq üçün istifadə üsulu müəyyənləşdirilib.

“WhatsApp” messencerində şəkil redaktoru və albom funksiyası istifadəyə verilib

8 İyun 2017 19:45

Smartfonların köməyilə çəkilmiş şəkillər ünsiyyət zamanı çox vaxt sözləri əvəz edir. Bu səbəbdən “WhatsApp” messencerinin yaradıcıları da populyar trenddən geri qalmaq istəmirlər: populyar messencerdə filtrlərə malik daha qabaqcıl şəkil redaktoru, həmçinin şəkillərin albomlar üzrə qruplaşdırılması əlçatan olacaq. Hazırda sözügedən yeniliklər mobil proqramın yalnız “iOS” versiyasında istifadəyə verilib.

Süni intellekt yoxsulluq və aclıqla mübarizədə kömək edə bilər

8 İyun 2017 19:40

Cenevrədə keçirilən "Süni intellekt naminə" Ümumdünya sammitinin iştirakçıları olan aparıcı şirkətlərin liderləri, akademik dairə və elmi tədqiqat institutlarının nümayəndələri, həmçinin hökumət nümayəndələri “ağıllı” maşınların yoxsulluq və aclıqla mübarizədə, insanların təhsil almasında, səhiyyədə, ətraf mühitin mühafizəsində rolunu müzakirə edirlər. Forumun nümayəndələri, həmçinin robotlaşdırma və bu proseslə bağlı bütün başqa risklərin mümkün nəticələrini müzakirə edəcəklər.

“iOS 11” sükan arxasında smartfondan istifadəni qadağan edəcək

8 İyun 2017 19:35

Payızda istifadəyə veriləcək yeni “iOS 11” əməliyyat sistemində “Do Not Disturb While Driving” (“Sükan arxasında narahat etməyin” - DNDWD) adlı maraqlı və faydalı funksiya quraşdırılıb. “Sükan arxasında narahat etməyin” barəsində çoxdan şayiələrin yayıldığı avtomatik rejimdir.  Funksiya sürücüyə hərəkət zamanı smartfondan istifadəni qadağan edir.  

“CHAARGO” portmaneti cihazları məsafədən enerji ilə dolduracaq

8 İyun 2017 19:30

Cari ilin iyulunda təqdim ediləcək “CHAARGO” adlı qeyri-adi simsiz enerjidoldurma qurğusu cihazların şarj problemini həll edəcək. “CHAARGO” – bu, portmanet formasında 4000 milliamper/saat tutuma malik nazik enerjidoldurma qurğusudur. Cihazı enerji ilə doldurmaq üçün onu portmanetin üzərinə qoymaq kifayətdir.

Selena Qomes nişanlanır

8 İyun 2017 19:05

Məşhur aktrisa və müğənni Selena Qomes ailə həyatı qurmağa hazırlaşır. O, "The Weekend" kimi tanınan 27 yaşlı kanadalı reper Abel Tefaye ilə nişanlanmaq niyyətindədir. Nyu-Yorkda sevgilisi ilə birlikdə gecə klubuna yollanan 24 yaşlı Selena Qomes nişan və toyla bağlı reportyorların suallarını cavablamaqdan boyun qaçırıb.