Dünya

İran hərbi gəmisinə atəş açıldı

26 İyul 2017 08:19

ABŞ-a məxsus hərbi gəmi Fars körfəzində İran Hərbi Dəniz Qüvvələrinin gəmisinə xəbərdarlıq atəşi açıb. Radio və yüksək səsli xəbərdarlıq siqnallarına məhəl qoymayan gəmi ABŞ-ın hərbi gəmisinə 137 metr yaxınlaşıb. Buna cavab olaraq, ABŞ gəmisi ona tərəf xəbərdarlıq atəşi açıb.

Meksikada atışma

26 İyul 2017 08:17

Meksikanın Kordoba şəhərində barın qarşısında atışma baş verib. Cinayətkarlar bardan çıxan nəqliyyat şirkəti əməkdaşlarına atəş açıblar. Atışma nəticəsində 3 nəfər ölüb, 2 nəfər yaralanıb. Hazırda iki şübhəli şəxs saxlanılıb.

Təyyarədə bomba həyəcanı

26 İyul 2017 08:10

İstanbuldan Kasablankaya uçan "Turkish Airlines" aviaşirkətinə məxsus təyyarə göyərtəsinə bomba qoyulması barədə xəbərə görə Əlcəzair hava limanına təcili eniş edib. Təyyarədəki sərnişinlər yerə enən kimi təxliyyə olunub. Təyyarəni yoxlayan polis əməkdaşları göyərtədə hər hansı bir partlayıcı maddənin aşkar olunmadığını bildiriblər.

Ankaraya 5 ŞƏRT

26 İyul 2017 08:07

Aİ-nin Türkiyə vətəndaşları üçün viza rejimini ləğv etməsi üçün Ankara, əvvəlki kimi, 5 şərti icra etməlidir. Bunu Aİ-nin genişlənmə və qonşuluq siyasəti üzrə komissarı Yohannes Xan deyib. “Biz həmçinin viza liberallaşmasını müzakirə etdik. Siqnalımız aydındır: Türkiyə qalan şərtləri icra etdikdən sonra biz də öz öhdəliklərimizi reallaşdıracağıq. Sonuncu, amma çətin olan bu məsələnin həllində Türkiyəni dəstəkləməyə hazırıq. Söhbət 72 şərtdən 5-dən gedir”, - deyə Y.Xan qeyd edib.

Rihanna Makronla görüşə gəlir: MARAQLI SƏBƏB

25 İyul 2017 20:15

Rihanna dünyanı gözəlləşdirmək uğrunda səylə çalışan incəsənət nümayəndələrindən biridir. Müğənni artıq bir neçə ildir ki, “Global Partnership of Education” (Qlobal Təhsil Tərəfdaşlığı) xeyriyyə təşkilatının səfiridir. Təşkilatın əsas məqsədi inkişaf etməkdə olan dövlətlərdə uşaqlar üçün keyfiyyətli təhsil sistemini təmin etməkdir.

Məşhurlarımız istirahətə nə qədər pul xərcləyir? - 20 min

25 İyul 2017 20:10

Şou-biznes nümayəndələri bu dəfə getdikləri istirahətdən və xərclədikləri pullardan danışıb. Məşhurlarımız "Lider maqazin"in "Harada istirahəti sevirsiniz? Dincəlməyə ən çox nə qədər pul xərcləmisiniz" suallarına belə cavab veriblər:

Yeni “Firefox” versiyası eyni anda 1500-dən çox tab-vərəqə açır

25 İyul 2017 19:58

İnternet brauzer tərtibatçıları daim məhsulların optimallaşdırılmasını təkmilləşdirərək saytların operativ yaddaşdan istifadəsini azaltmağa, enerji səmərəliliyini və yüklənmə sürətini artırmağa çalışırlar. Bu yaxınlarda keçirilən müstəqil testdən məlum olub ki, “Chrome”, “Edge”, “Opera” və “Firefox” brauzerlərinin avtonom iş vaxtı təxminən eynidir. Lakin “Mozilla” şirkətinin “Firefox” brauzerinin son versiyalarında operativ yaddaşdan istifadəni dəfələrlə azaltmağa nail olması bildirilir. Belə ki, “Firefox” tərtibatçısı Ditrih Ayala brauzerin müxtəlif versiyaları ilə bir sıra testlər keçirərək eyni anda 1 691 tab-vərəqə açıb.   “Firefox”un hazırkı 54-cü versiyası əvvəlki versiyalar kimi qənaətbəxş məhsuldarlıq və optimallaşdırma göstəriciləri nümayiş etdirmir. Lakin hazırda beta test mərhələsində olan 55-ci və yeni 56-cı versiya hər iki parametr üzrə böyük irəliləyiş edib.  

Yeni bilərzik sükan arxasında yuxulamanın qarşısını alacaq

25 İyul 2017 19:53

Hər il yollarda sürücülərin sükan arxasında yorulması səbəbindən 300 mindən çox qəza baş verir. Qəzaların təqribən 25 faizində sürücülərin yuxulaması faciəli nəticələrə səbəb olur. İldə sükan arxasında yuxuya getməyə görə 30 mindən çox insan həyatını itirir. Məhz bu səbəbdən Latviyanın “Creative Mode” şirkəti “STEER” bilərziyi layihəsini həyata keçirmək qərarına gələrək onu “Kickstarter” vəsait toplama saytına çıxarıb.   Kiçikölçülü qurğu sürücülərin yorulma zamanı yuxulamalarının qarşısını alaraq özlərinin və ətrafdakı insanların həyatını avtomobil qəzası təhlükəsindən qorumağa imkan verəcək.  

Günəş enerjisi ilə işləyən elektromobil 800 km məsafə qət edəcək

25 İyul 2017 19:45

Niderlandın “Lightyear” şirkəti elektrik enerjisi ilə işləyən və günəş enerjisini hərəkət zamanı toplayan “One EV” adlı elektromobil yaradıb.  Mütəxəssislərin sözlərinə görə, elektrik avtomobilin sınaqlarının 2018-ci ildə başa çatacağı gözlənilir, bazara çıxarılması isə 2019-cu ilə planlaşdırılır. Günəşli günləri çox olan ölkələrdə yaşayan “One EV” sahibləri ondan aylarla istifadə etməklə kənar enerjidoldurma stansiyasına qoşmayacaqlar. Elektromobilin akkumulyator tutumu 130 kilovat/saat təşkil edir ki, bu da günəş enerjisi toplamadan 644 km məsafəni qət etməyə kifayət edir. Hərəkət zamanı enerji toplamaq imkanı sayəsində isə avtomobil dayanmadan 800 km məsafəni qət edə biləcək. Nəqliyyat vasitəsində istifadə olunacaq akkumulyator batareyalarının tipi barədə məlumat verilməsə də, onların “Tesla” modellərində istifadə edilən batareyalara oxşar olacağı gözlənilir. 

“Paint” redaktorundan istifadə davam edəcək

25 İyul 2017 19:36

“Microsoft” korporasiyası “Windows” əməliyyat sisteminin idarəetməsi ilə işləyən qurğu istifadəçilərinin gələcəkdə də “Paint” qrafik redaktor funksiyasından yararlana biləcəklərini açıqlayıb.     “Windows Store” əlavələr mağazasına köçürüləcək proqramı pulsuz yükləmək mümkün olacaq. Redaktor funksiyasının bir hissəsi bu ilin yazında “Windows 10” sistemində istifadəyə verilən həcmli modellərlə iş üzrə “Paint 3D” proqramına köçürüləcək.   Qeyd edək ki, iyulun 24-də “Microsoft” korporasiyası ilk dəfə 1985-ci ildə təqdim edilən “Paint” qrafik redaktorunun dəstəklənməsini dayandıracağını bəyan edib. 

Qabaqcıl “Samsung” smartfonları qoşa kamera ilə təchiz ediləcək

25 İyul 2017 19:34

“Samsung Electronics” şirkəti qoşa kamera ilə təchiz edilən qabaqcıl smartfon modellərinin buraxılışına başlamağı planlaşdırır. Bu barədə “Shinhan Investment” investisiya şirkətinin analitiki Park Heq U məlumat verib. Məlumata görə, “Samsung Electro-Mechanics” bölməsi cari ilin ikinci yarısından etibarən qabaqcıl “Samsung” smartfonları üçün qoşa kamera modullarının tədarükünə start verəcək.   “Samsung Galaxy Note 8” qurğusunun kamerası 12 meqapikselli enlibucaqlı modula və 13 meqapikselli telefoto moduluna malik olmaqla birlikdə üçqat optik zummeri təmin edəcək. Gələcək “Galaxy S9” və “Note 9” modellərinin də qoşa kamera ilə təchiz ediləcəyi gözlənilir.   Xatırladaq ki, “Galaxy Note 8” Cənubi Koreya istehsalçısının ilk qoşa kameralı smartfonu olacaq. Şirkət rəsmən təsdiq edib ki, smartfon avqustun 23-də Nyu-Yorkda keçiriləcək tədbirdə təqdim ediləcək. Satışlara bir ay sonra başlamaq planlaşdırılır.  

Yeni hücum tipi yayılıb

25 İyul 2017 19:27

Kiçik və orta biznes seqmentində İT xərcləri 680 milyard dollara çatacaq

25 İyul 2017 19:24

“International Data Corporation” (IDC)  şirkəti yaxın illər üçün kiçik və orta biznes seqmentində informasiya texnologiyaları (İT) xərclərinin həcmi üzrə proqnoz açıqlayıb.   Tədqiqatda aparat təminatı (fərdi kompüterlər, serverlər, şəbəkə avadanlığı və s.), proqram təminatı, eləcə də müxtəlif servislər (o cümlədən biznes sinfi) üçün xərclər nəzərə alınıb. Burada söhbət ümumi ştatı 1000 nəfərdən çox olmayan şirkətlərdən gedir.  

Şri-Lankada dəhşətli qızdırma: 300 ölü

25 İyul 2017 18:56

Şri-Lankada denqe qızdırması qurbanlarının sayı 300-ü keçib. Bu barədə ölkədə fəaliyyət göstərən Beynəlxalq Qırmızı Xaçın nümayəndəsi bildirib. Daha öncə ölkədə 68 min nəfərin bu dəhşətli qızdırma virusuna yoluxduğu, yoluxma hallarından 205 faktın ölümlə nəticələnməsi barədə xəbər verilmişdi.

19 yaşlı stilist rəfiqəsi ilə boğazları kəsilmiş vəziyyətdə tapıldı

25 İyul 2017 18:50

İngiltərədə Hindistan əsilli müsəlman qız Seline Dookhran ərəb bir kişi ilə əlaqə yaşamağa başladığı üçün faciəvi şəkildə öldürülüb. Bir milyon yarım funt dəyərində lüks bir villada cəsədi tapılan qızın dəfələrlə təcavüzə uğradığı, boğazı yuxarıdan aşağıya doğru yarılaraq öldürüldüyü bildirilir.