Sarkozini həbsdən çıxara bilərlər: Prokurorluq şərti azadlığa buraxılmasını tələb etdi

Fransanın keçmiş prezidenti Nikola Sarkozinin yaxın günlərdə həbsdən azad edilə biləcəyi ehtimal olunur.

BFMTV-nin məlumatına görə, Paris Apellyasiya Məhkəməsində keçirilən dinləmələr zamanı prokurorluq Sarkozinin həbsxanadan çıxarılaraq məhkəmə nəzarətinə verilməsini təklif edib.

Xatırladaq ki, 2024-cü ilin sentyabrında məhkəmə Sakozini 2007-ci il seçki kampaniyasını Liviyanın vəsaiti ilə qanunsuz maliyyələşdirməkdə təqsirli bilmiş və ona 5 il müddətinə azadlıqdan məhrumetmə, həmçinin 100 min avro cərimə və 5 il dövlət vəzifəsi tutma qadağası tətbiq etmişdi. Hal-hazırda eks-prezident Parisin La-Sante həbsxanasında saxlanılır.

İndi isə prokurorluğun mövqeyi dəyişib: onlar hesab edirlər ki, Sarkozini həbsdə saxlamaq məcburi deyil və o, şəhərdən çıxmamaq, müntəzəm məhkəmə nəzarəti və digər məhdudiyyətlərlə azad oluna bilər.

Apellyasiya məhkəməsinin qərarı yaxın günlərdə elan olunacaq.