Bolqarıstan hökuməti avroya keçidi milli prioritet elan etdi - ÖZƏL

Bolqarıstanın baş naziri Rosen Jelyazkov bəyan edib ki, avroya keçid ölkə üçün strateji seçimdir.

Hökumət başçısının sözlərinə görə, 1 yanvardan etibarən Bolqarıstan "valyuta kimi avronu qəbul etmiş dövlətlər ailəsinin üzvü olacaq".

"Avro sadəcə pul vahidi deyil - bu, Bolqarıstanın birləşmiş və güclü Avropanın mərkəzində yerini möhkəmləndirən strateji seçimdir", - deyə Jelyazkov açıqlamasında bildirib.

Qeyd edək ki, bundan əvvəl bolqar siyasətçi Kosta Stoyanov Sankt-Peterburq Beynəlxalq İqtisadi Forumu çərçivəsində jurnalist Çey Bouza verdiyi müsahibədə Avropa İttifaqının iqtisadi böhran səbəbindən Bolqarıstanın avrozona daxil olmasında israrlı olduğunu söyləmişdi.

İbrahim Məmmədli