Tramp demokrat qubernatoru Nyu-Yorku “öldürməkdə” suçladı

ABŞ prezidenti Donald Tramp hesab edir ki, Nyu-York qubernatoru Keti Hoçulun hərəkətləri ölkənin şimal-şərqində enerji qiymətlərinin əhəmiyyətli dərəcədə artmasına səbəb olub.

Olaylar.az xəbər verir ki, o, Truth Socia-da bildirib ki, Hoçulun bütün regionu məhv etdiyini yazıb: "Çünki enerji qiymətləri nəzarətdən çıxıb və üçqat artacağı gözlənilir".

ABŞ prezidenti hesab edir ki, bu, qubernatorun Nyu-York ştatında bir neçə yeni qaz kəmərinin tikintisini təsdiqləməkdən imtina etməsi ilə bağlıdır. Tramp əlavə edib ki, "qubernator da daxil olmaqla bütün Konnektikut və Yeni İngiltərə (Vermont, Konnektikut, Massaçusets, Men, Nyu-Hempşir və Rod-Aylend ştatları da daxil olmaqla - red.) ona qarşı həqiqətən qəzəblidir".

Hoçuldan danışan prezident həmçinin vurğulayıb ki, "bütün Nyu-York şəhəri şəhər mərkəzinə daxil olan avtomobillərə qoyulan gülünc rüsumlar üzündən məhv olur". Amerika liderinin sözlərinə görə, "insanlar Manhettenə girmək üçün çoxlu pul ödəməli olduqları üçün sadəcə gəlmirlər". Tramp hesab edir ki, Nyu-Yorkun bu hissəsi "xəyalət şəhərinə" çevrilib.

Prezident vurğulayıb ki, ABŞ Nəqliyyat naziri Şon Daffidən yuxarıda qeyd olunan rüsumların ləğvi ehtimalını "diqqətlə nəzərdən keçirməsini" xahiş edəcək: "Bütün ştat cəhənnəmə gedir, ona görə də federal hökumət müdaxilə etmək məcburiyyətində qalacaq". (Musavat.com)